له پېښو سره د مبارزې آمادګۍ ملي ادارې سرپرست د خوړو نړیوال سازمان WFP د سرپرستي رئیسي او راغلي پلاوي سره وکتل
نن ورځ دو شنبه له پېښو سره د مبارزې آمادګۍ ملې ادارې سرپرست الحاج ملا نورالدین ترابي د خوړو نړیوال سازمان د سرپرستي رئیسي میرمن موتینتا چیموکا، د خوړو د سیستمونو مسؤله میرمن انو سارا، داړیکو او بیړینو مرستو مسؤل عبدالرازق ایوبي او دبیړنیو مرستو کار پوه نوراحمد فیروزي سره په خپل کاري دفتر کي وکتل.
ترابي صاحب له هرڅه وړاندي د WFP پلاوي ته ښه راغلاست وویل او زیاته یې کړه چي WFP سازمان تل افغان اولس ته بشري مرستي رسولي دي چي موږ ورڅخه ځانګړي مننه کوو او تل هڅه کوو چي بیلابیلو سازمانونو او مؤسیساتو ته په هره برخه کي اسانتیاوي رامنځ ته کړو او په دې برخه کي موږ ډیر کار کړي دی.
همدا راز ترابي صاحب وویل چي موږ ډیټابیس لرو چي هغه سیمي پکښي په نښه شوي دي چي خلګ د خطر ویره ځیني لري او هغه سیمي چي زموږ سره په ډیټابیس کي ثبت دي استنادي دیوالونو او بیلابیلو پروژه ته اړتیا لري.
د خوړو نړیوال سازمان سرپرستي رئیسي میرمن موتینتا چیموکا د یادې ادارې د سرپرست څخه مننه وکړه چي تل یې خلګو ته غوره خدمتونه وړاندي کړي دي او لاهم د خلګو دخدمتونو لپاره هڅي کوي.
اغلي چیموکا زیاته کړه چي موږ او تاسو به په ګډه کار کوو او خلګو ته به په بیلابیلو برخو کي غوره خدمتونه وړاندي کوو تر څو زیانمني کورنۍ پر وخت د مرستو څخه برخمني سي او اساسي کارونه ورته وسي.
د غونډي په ورسیتو کي پریکړه وسوه چي په نژدې راتلونکي ورځو کي به د یادي ادارې او WFP تخینکي ټیمونه د تخینکي مسایلو د څیړلو لپاره غونډه وکړي.
نیټه: ۱۴۴۶/۸/۴ هــ ق
له پېښو سره د مبارزې آمادګۍ ملي اداره
