د نورستان ولایت په مرکز او بېلا بېلو ولسوالیو کې 6,318 زیانمنو او بې وزله کورنیو ته د مرستو د وېش لړۍ پیل شوه
نورستان - دغویي 18مه - 1400
د نورستان ولایت پېښو پر وړاندې چمتووالي ریاست د WFP موسسې سره په همکاري, دنورستان ولایت مرکز پارون اړوند څلورو کليو کې 340 بې وزله کورنيو ته د خوراکي توکو د وېش دوهم پړاو تر سره کړ, چې د دې مرستو په ترڅ کې هرې کورنۍ ته 92 کیلو اوړه، 9,1 کیلو غوړي، 17 کیلو دال او 2 کیلو مالګه ووېشل شوه.
د يادونې وړ ده چې د نورستان ولایت مرکز پارون ښار کې به په مجموع کې 1,818 کورنيو سره د يادو خوراکي توکو مرسته تر سره شي.
همدا راز د نورستان ولایت په واما ولسوالۍ کې 1,000 کورنيو، وايګل ولسوالۍ کې 1,500 کورنيو، کامديش ولسوالۍ کې 1,000 کورنيو او د برګمتال ولسوالۍ کې د 1,000 کورنيو ته د يادو مرستو د وېش دويم پړاو لړۍ جريان لري.
