پیښو ته د رسیدو په چارو کې د دولت وزارت مالي او اداري مرستیال؛ د خطرونو کمولو او پیښو سره مبارزې لپاره باید په لومړۍ کرښه کې شتون ولرو
![ِDeputy Minister](/sites/default/files/2020-06/dm1.jpg)
غبرګولي 27 مه 1399
د بیړنۍ بودجې مصرفولو لایحې په وروستۍ کولو باندي مشورتي ناسته نن ورځ د مطیع الله صافی پیښو ته د رسیدو په چارو کې د دولت وزارت مالي او اداري مرستیال په مشرۍ، د رئیسانو، مشاورینو او اړوندو برخو آمرینو په شتون ترسره شوه.
مطیع الله صافی پیښو ته د رسیدو په چارو کې د دولت وزارت مالي او اداري مرستیال وویل: زموږ هیواد خپل جغرافیایی موقعیت په درلودو سره، د پیښو خطرونو پر وړاندي له جدي ګواښ سره مخامخ دی. نو ځکه د خطرونو کمولو او د پیښو سره مبارزې لپاره باید په لومړۍ کرښه کې شتون ولرو.
په دغه ناسته کې د بیړنیو حالاتو عملیاتو مرکز رئیس، حقوقي او تخنیکي مشاورینو د لایحې په مواردو کې خپل وړاندیزونه او نظرونه وړاندي کړل.
د ناستې په اخیره کې مطیع الله صافی مسئولینو ته لازمې سپارښتني وکړې، ترڅو د بیړنۍ بودجې مصروفولو لایحې په وروستۍ کولو او د پیښو سره مبارزې عالي دولتي کمیسیون ته یې په استولو کې جدي پام ونیسي.
![22](/sites/default/files/inline-images/DM2_7.jpg)