پېښو ته د رسېدو په چارو کې د دولت وزارت د مشرتابه غونډه ترسره شوه
![news image](/sites/default/files/2023-01/whatsapp_image_2023-01-25_at_3.28.46_pm_1.jpeg)
کابل- د سلواغې ۵مه-۱۴۰۱
د مشرتابه غونډه نن د چهار شنبې ورځ د سلواغې په ۵مه د محترم الحاج ملا محمد عباس آخند، پېښو ته د رسېدو په چارو کې د دولت وزیر په مشرۍ، د محترم الحاج مولوي عبدالولي څارنوال، د پېښو چارو د همغږي مرستیال، محترم الحاج مولوي عبدالرحمن زاهد د مالي او اداري لوی رییس، رییسانو، سلاکارانو او د دغه وزارت د آمرینو په شتون ترسره شوه.
په دې غونډه کې د تیلو د لېږدولو، د حیرتان له بندر څخه د ۸ قلمه توکو لېږدول، د وزارت د ۱۴۰۱ کال د تشکیل ستونزو، د آی ټي ستونزو او د وروستیو زیانمنو د مدیریت او هغوۍ ته د رسېدنې په اړه ترسره شوه.
لومړۍ محترم الحاج ملا محمد عباس آخند، پېښو ته د رسېدو په چارو کې د دولت وزیر ووېل: موږ کولای شو د یوه همغږي ټیم په توګه د نظر او عمل په یووالي سره د پېښو اغېزې راکمې کړو.
ورپسې د پيښو چارو د همغږي محترم مرستیال د خوراکي توکو د انتقال د ستونزو د حل، د ۱۴۰۲ کال د تشکیل، د کارکوونکو د کاري چارو د تنظیم، د مالی او ادارې عمومي رئیس د بودجې او د ۱۴۰۲ کال د تشکیل په اړه خبرې وکړې او د اړوندو برخو رئیسانو، سلاکارانو او آمرینو له اجنډا سره سم، خپلې موضوعګانې او راپورونه وړاندې کړل.
د غونډې په پاۍ کې پېښو ته د رسېدو په چارو کې د دولت وزیر، د تیلو د قراردادي د ستونزې د حل، په چټکۍ سره له حیرتان بندر نه د ۸ قلمه توکو د انتقال او د ۱۴۰۲ کال د تشکیل پر وروستي کولو باندې ټینګار وکړ او مسوولینو ته یې لازمې سپارښتنې وکړې.
![تصویر خبر](/sites/default/files/inline-images/WhatsApp%20Image%202023-01-25%20at%203.28.42%20PM.jpeg)