اړینه- خبرتیا
لکه څرنګه چې زموږ هېوادوال پوهېږي، په تېرو څو ورځو کې د هېواد په یو شمېر ولایتونو کې د سختې یخنۍ ترڅنګ د واورې او بارانونو د ورېدو شاهدان و، او د ملکي هوايي چلند ادارې د هوا پېژندنې ریاست د وړاندوینې له مخې، په راتلونکو ورځو کې د سړې هوا او د واورې او باران د دوام او شدت امکان شتون لري. نو ځکه د افغانستان عموم مسلمان ولس، په ځانګړي توګه د کوچیانو، مالدارانو، د سیندونو او واورې ښوېدنې په لار کې د اوسېدونکو څخه هیله مند یو ترڅو خپل احتیاطي تدابیر ونیسي او خوندي ځایونو ته منتقل شي.
پېښو ته د رسېدو په چارو کې د دولت وزارت مشرتابه د ولایاتو پېښو سره د مبارزې ریاستونو ته لارښوونه کړې ترڅو په ۲۴ ساعته توګه خپل تدابیر ونیسي.
په همدې تړاو له ټولو ګرانو هیوادوالو څخه هیله مند یو، ترڅو د یوې پېښې رامنځته کېدو په صورت کې په لاندې شمېرو اړیکه ونیسئ ترڅو د ځاني او مالي زیانونو د زیاتېدو مخه ونیول شي.
0700051113
0706363421
