په کونړ ولایت کې په یو کور کې د اور لګېدو د خپرېدو مخنیوی وشو
د کونړ ولایت له پېښو سره د مبارزې آمادګۍ ریاست د راپور له مخې، نن له غرمې مخکې د کونړ ولایت مرکز اسعدآباد ښار د دویمې ناحیې اړوند په یو کور کې د بریښنا د شارټۍ له امله اور لګېدلی و، چې د یاد ریاست د همغږۍ او د اطفایي مدیریت پر وخت اقدام په واسطه اور مهار او د خپرېدو مخه یې ونیول شوه.
د یادونې ده چې د زیانونو د ارزونې ټیم سیمې ته تللی او راپور یې ورکړی چې خوشبختانه په دې پېښه کې کوم ځاني تلفات نه دي اوښتي؛ خو د یاد کور وسایل سوځېدلي دي.
