د سرپل ولایت له پېښو سره د مبارزې آمادګۍ ریاست د اوبو لارې د پاکولو او تنظیم له پروژې څخه څارنه وکړه
د سرپل ولایت له پېښو سره د مبارزې آمادګۍ ریاست د یاد ولایت د مرکز اړوند د کنجک، سلطان غجر او ولودین کلیو کې د اوبو لارې د پاکولو او تنظیم پروژې څخه لیدنه او څارنه وکړه.
په دې لیدنه کې له پېښو سره د مبارزې آمادګۍ ریاست مسؤلینو او د ښار جوړونې ادارې استازو د پروژې د پلي کېدو بهیر وڅېړه او د تخنیکي معیارونو سره سم یې پر پلي کولو ټینګار وکړ.
یاده پروژه د سېلابونو د خطر کمولو او د سېلابونو له ګواښ څخه د شاوخوا ۲۰۰۰ هکټاره کرنیزې ځمکې د ساتنې او د نږدې ۷۰۰ کورنیو د خوندي کولو په موخه پلي کېږي.
د سیمې اوسېدونکو د پروژې له پلي کېدو خوښي څرګنده کړه او دا یې د سېلابونو د زیانونو په مخنیوي کې اغېزمنه وبلله.
د سرپل ولایت له پېښو سره د مبارزې آمادګۍ ریاست ژمن دی چې په زیانمنونکو سیمو کې ورته پروژې پلي کړي.
نېټه:۱۴۴۷/۱۲/۲۴ هـ ق
له پېښو سره د مبارزې آمادګۍ اداره
