له پیښو سره د مبارزې آمادګۍ ملي ادارې او د اسلامي هوسایني مؤسیسې تر منځ دګډو همکاريو تفاهم نامه لاسلیک سوه
نن ورځ سي شنبه له پیښو سره د مبارزې آمادګۍ سرپرست الحاج ملانورالدین ترابي او د اسلامي هوسایني مؤسیسې مؤسیس رئیس محمد ذوالقرنین عباس د پروګرامونو مسؤل رحمت الله خوګیاڼي او مل پلاوي سره وکتل.
ترابي صاحب د یادي مؤسیسې راغلي پلاوي ته ښه راغلاست ووایه او زیاته یې کړل چي په ډیرو ولایتونوکي زیایمني کورنۍ شتون لري چي مرستو ته جدي اړتیا لري او باید ټول مؤسیسات او سازمانونه خپلي مرستي ورسره وکړي ترڅو پر وخت زیانمني کورنۍ د مرستو څخه برخمني سي.
همدارنګه ترابي صاحب د راغلي پلاوي څخه مننه وکړه چي تل یی دزیانمنو کورنیو سره بیلابیلي مرستي کړي دي او باید خپل مرستي د افغان اولس سره جاري وساتي او همیشه دطعبي او غیر طبعي پیښو ځپلو کورنیو سره دوامداره همکاري وکړي او هغه مواد دي پر خلګو دمرستي په توګه وویشي چي خلګ ورته اړتیا لري.
د اسلامي هوسایني مؤسیسې مؤسیس رئیس محمد ذوالقرنین عباس دیادي ادارې د سرپرست څخه ځانګړي مننه وکړه چي پر وخت یی کارونه خلاص شوي دي او په کارونو کي یی موږ ته چټکتیا راویستلي ده.
همدارنګه عباس وویل چي یاده مؤسیسه په بیلابیلو برخو کي د خلګو سره مرستي کوي چي یو برخه یی دطبعي او غیر طبعي پیښو زیایمنو کورنیو سره نغدي، خوراکي او غیر خوراکي توکو مرسته کوي او تل یی دسیلاب ځپلو؛ مهارجرینو او پیښو ځپلو خلګو سره همکاري کړي ده.
دیادوني وړ ده چي یاده موسیسه د ۱۱۸۲۰۵ ډالرو په ارزښت د تخار ولایت په تالقان، کلفګان او رستاق ولسوالیو کي د سیلابونو له امله زیایمنو شویو کورنیو سره نغدي مرسته کوي چي ټوټل ۵۴۰ د نغدي پیسو پاکټه دي چي په هر پاکټ کي ۱۶۵.۵ ډالره دی چي معادل یې ۱۱۳۰۰ افغانۍ کیږي هري کورنۍ ته تر سروې ورسته ویشل کیږي.
نیټه: ۱۴۴۶/۵/۳ هــ ق
له پیښو سره دمبارزې آمادګۍ ملي اداره
