له پېښو سره د مبارزې آمادګۍ ملي ادارې او پاملرني نړیوالي مؤسیسې ترمنځ د ۱۳۰۹۷۰۲ امریکایی ډالره په ارزشت د ګډو همکاریو تفاهم نامه لاسلیک سو
نن ورځ پنج شنبه، له پېښو سره د مبارزې آمادګۍ ملي ادارې سرپرست الحاج ملا نورالدین ترابي د پاملرني نړیوالي مؤسیسې د مرستېالي اغلې کریسټنا، دپروژې د مدیر محمد وکیل نایب او داړیکو مسؤل داکتر سید منیر سره په خپل کاري دفتر کي وکتل.
ترابي صاحب دپاملرني نړیوالي مؤسیسې راغلي پلاوي ته ښه راغلاست ووایه او زیاته یی کړه چي باید د ټولو پېښ ځبلو کورنیو سره نغدي، خوراکي او غیری خوراکي توکو مرسته وسي تر څو پېښ ځپلي کورنۍ د فقر او بي وزلۍ څخه وژغورل سي.
همدا راز ترابي صاحب د پاملرني نړیوالي مؤسیسې څخه مننه وکړه چي په هرات ولایت کي زلزله ځپلوکورنیو ته د کورونو دجوړښت او د ترمیم لپاره نغدي مرستي ویشي.
د پاملرني نړیوالي مؤسیسې سرپرست او معاون کریسټنا د یادي ادارې دسرپرست څخه مننه وکړه چي وخت یی ورکړ او زیاته یي کړل چۍ موږ به تل هڅه کوو چي په بیلابیلو برخو کي پېښ ځپلو کورنیو ته مرستي ورسوو او دخلګو اړتیاوي پوره کړو.
کریسټنا زیاته کړه چي یادې مؤسیسې په افغانستان کي په ۱۹۶۰ کال کي فعالیت پیل کړی دی او په بیلابیلو برخو کي مو افغان اولس ته خدمت کړی دی.
دیادوني وړ ده چي ۱۳۰۹۷۰۲ یو میلون درې لکه نهه زره اوه سوه دوه امریکایی ډالره په ارزښت تفاهمنامه لاسلیک سوه چي له مخي به یې دهرات ولایت د کشک رباط سنګي په ولسوالۍ کي ټوټل ۴۰۰ کورنیو ته نغدي مرسته رسول کیږي چي له هغې جملې څخه یې
①☜ د ۲۷۲مستحقو او زیانمنو کورنیو ته هغه کورنیو ته چې سرپرستي به یی د ښځو په غاړه وي او یا هم معلول غړي ولري او مالي توان و نلري کورنیو ته د سرپنا جوړونې په موخه نغدي پیسې ورکول کیږي چي هرې کورنۍ ته به ۲۷۰۰ امریکایي ډالره یا د هغې معادل افغانی په څلورو قسطونو کي (۳۰٪، ۳۰٪ ، ۳۰٪ او ۱۰٪) ورکول کیږي تر څو دوی عاجله سرپناه کور باندی جوړ کړي.
②☜ د ۱۲۸ هغو کورنیو چې د زلزلې له امله یې کورونه تخریب شوي او ترمیم ته ضرورت لري چي هرې کورنۍ ته به ۱۰۰۰ امریکایي ډالره یا د هغې معادل افغانی په څلورو قسطونو کي (۳۰٪، ۳۰٪ ، ۳۰٪ او ۱۰٪) ورکول کیږي تر څو دوی پرې دیوالونه، چتونه، دروازې، کړکۍ، پلسټر او داسې نور پرې ترمیم کړي.
③☜ ٢٠٠ کسانو ته د ظرفیت لوړونې په موخه د ساختماني چارو او د خطراتو د کمښت مدیریت (DRR) اړوند ټرنینګونه په لار اچول کیږي.
نیټه: ۱۴۴۶/۷/۱۵ هــ ق
له پېښو سره د مبارزې آمادګۍ ملي اداره
