د لغمان په فراشغان ولسوالۍ کې د عمومي سړک د ترمیم او پراخولو چارې پیل شوې
د لغمان ولایت له پېښو سره د مبارزې آمادګۍ ریاست، له پېښو سره د مبارزې آمادګۍ ادارې له بودجې څخه د یو میلیون او پنځه څلوېښت زره (۱,۰۴۵,۰۰۰) افغانیو په لګښت د فراشغان ولسوالۍ د عمومي سړک د ترمیم او پراخولو کار د تخنیکي سروې له ترسره کولو وروسته پیل کړ. یاد سړک د وروستیو قدرتي پېښو له امله په ځینو برخو کې ویجاړ شوی و، چې د سیمې اوسېدونکو ته یې د تګ راتګ پر مهال ستونزې رامنځته کړې وې.
د سړک په ۱۲ بېلابېلو برخو کې د ۵۰۰ کاري ساعتونو لپاره د اسکواټور ماشین کار ته اړتیا ده، چې د یادو چارو په بشپړېدو سره به د سیمې د اوسېدونکو لپاره د تګ راتګ آسانتیاوې برابرې شي.
نېټه: ۱۴۴۸/۵/۱۲ هـ ق
له پېښو سره د مبارزې آمادګۍ اداره
