د میدان وردګ ولایت له پېښو سره د مبارزې آمادګۍ ریاست د وروستیو بارانونو له امله د زیامنو کورنیو سروې ترسره کړه
د میدان وردګ ولایت له پېښو سره د مبارزې آمادګۍ ریاست د یاد ولایت د سیدآباد ولسوالۍ په ګیدړخیل او تنګي حوزو او لاچي خیل کلیو کې د وروستیو سختو بارانونو له امله د زیانمنو کورنیو سروې د بشري مرستو د شفاف رسولو په موخه تر سره کړه.
د دې سروې په ترڅ کې، معلومه شوه چې زیات شمېر کورنۍ د بارانونو او سېلابونو له امله زیانمنې شوې دي او یو شمېر نورې کورنۍ لا هم د سېلابونو د خطر لاندې دي.
د میدان وردګ ولایت له پېښو سره د مبارزې آمادګۍ ریاست په دې هڅه کې دی، چې د وروستېو سېلابونو او اورښتونو له امله د زیانمنو کورنيو سره وروسته له سروې د خوراکي او غیري خوراکي توکو مرسته تر سره کړي.
د يادونې وړ ده، یاد ریاست د دې ولایت په جغتو او چک ولسوالیو کې د بارانونو له امله د زیانمنو کورنیو سره بیړنۍ مرستې تر سره کړي او دې کورنیو ته به د مرستو رسولو لړۍ دوام لري.
نېټه: ۱۴۴۷/۱۰/۲۱ هـ ق
له پېښو سره د مبارزې آمادګۍ ملي اداره
