کونړ ولایت ته پیښو ته د رسیدو په چارو کي د دولت وزارت مالي او اداري مرستیال سفر

مطیع الله صافی پیښو ته د رسیدو په چارو کي د دولت وزارت مالي او اداري مرستیال د سه شنبی ورځ د مرغومي په 3 کونړ ولایت ته سفر وکړ او د کونړ ولایت والي عبدالستار میرزکوال, د ولایتي شورا رییس ولایت خان مشواڼی, د دولتي ادارو رییسانو, او یو شمیر مشرانو سره یی لیدنه وکړه.
لومړی عبدالستار میرزکوال د کونړ ولایت والي, مطیع الله صافی ته د ښه راغلاست او په ستایني سره د خلکو ستونزو او وړاندیزونو په وړاندي کولو سره وویل: کونړ ولایت په دی وروستیو کي سربیره د طبیعي پیښو له غیر طبیعي پیښو څخه هم زیانمن شوی ده. همدارنګه ښاغلي میرزکوال, پیښو ته د رسیدو په چارو کي د دولت وزارت مالي او اداري مرستیال څخه دی ولایت ته د لا زیات پام نیولو غوښتونکی شو.
وروسته پیښو ته د رسیدو په چارو کي د دولت وزارت مالي او اداري مرستیال د خپل سفر موخه د زیانمن شویو سیمو لیدل او د کونړ ولایت د خلکو د ستونزو او وړاندیزونو اوریدل وبلله. همدارنګه ښاغلی صافی د کونړ ولایت خلکو او سیمه ایز حکومت ته د وقایوي پروژو پلي کیدو ژمنه ورکړه.
په آخیره کي 440 کورنیو ته چي د طبیعي او غیر طبیعي پیښو له امله زیانمني شوي وی. د مطیع الله صافی پیښو ته د رسیدو په چارو کي د دولت وزارت مالي او اداري مرستیال, عبدالستار میرزکوال د کونړ ولایت والي, د ولایتي شورا رییس ولایت خان مشواڼی, د کونړ ولایت دولتي ادارو رییسانو او رسنیو په ګډون هري کورني ته نغدي او غیر نغدي مرستي وویشلی.