پېښو ته د چمتووالي او رسېدنې ملي ادارې سرپرست د بریتانیا هیواد له چارسمبالي سره وکتل
کابل- د صفرالمظفر ۲-١٤٤٦
پېښو ته د چمتووالي او رسېدنې ملي ادارې سرپرست محترم الحاج ملا نورالدین ترابي، نن ورځ د بریتانیا هیواد له چارسمبالي شاغلی روبرت تشاټیرټوت ډیکس سره په خپل کاري دفتر کې وکتل او هر اړخیزې خبرې یې وکړې.
په دې کتنه کې دواړو لوري پېښو ته د رسېدنې په برخه کې چمتووالی وښودی او خوراکي او غیرخوراکي مرستو، د ظرفیت لوړولو پروګرامونو، عامه پوهاوي او پېښو ته د رسېدنې اړوند پر نورو موضوعاتو یې بحث وکړ.
محترم الحاج ملا نورالدین ترابي د بریتانیا هیواد له چارسمبالي څخه د ۵۰۰۰ خیمو، خوراکي او غیرخوراکي مرستو او د ظرفیت لوړولو پروګرامونو ترسره کولو غوښتنه وکړه، او زیاته یې کړه چې، په داسې حال کې چې افغانستان په اقلیمي بدلون کې رول نه لري خو له امله یې زیات اغېزمن سوی دی همدارنګه ترابی صاحب داقلیمي بدلون په دی برخه کې له ښکېل هیوادونو څخه د افغانستان لپاره د مرستې غوښتونکی هم شو.
ورته مهال، د بریتانیا ځانګړي استازي د ملګرو ملتونو سازمان او نورو موسسو له لارې د پېښو له امله زیانمنو ته د زیاتو مرستو رسولو په برخه کې د خپل هیواد لخوا ژمنتیا څرګنده کړه.
