۲۵۰ سېلاب ځپلې کورنۍ په کابل ولایت کې له خوراکي مرستو برخه منې شوې
![news image](/sites/default/files/2024-07/whatsapp_image_2024-07-16_at_12.01.34_pm_1.jpeg)
کابل- د محرم ۱۰-۱۴۴۶/ د چنګاښ ۲۶-۱۴۰۳
محترم الحاج ملا نورالدین ترابي، د پېښو پر وړاندې د چمتووالي ملي ادارې سرپرست نن سهار د محترم محمد سلیم حقاني، د کابل ولایت پېښو سره د مبارزې رییس او د افغان ماشومانو لپاره د جرمني مرستې د موسسې استازي په شتون کې ۲۵۰ سېلاب ځپلو کورنیو ته خوراکي مرستې ووېشلې.
محترم الحاج ترابي صاحب د دې مرستو د وېش پر مهال ووېل: چې دغه مرستې د افغان ماشومانو لپاره د جرمني مرستې د موسسې لخوا د ۲۵۰ کورنیو لپاره چې د وروستیو سېلابونو له امله زیانمنې شوي وې، تنظیم شوې دي.
ښاغلي ترابي صاحب د نوموړي موسسې څخه د دغو مرستو په پار د مننې ترڅنګ ووېل: چې دغه مرستې د کابل ولایت پېښو سره د مبارزې ریاست سره په همغږي چمتو شوې دي، او په دغو مرستو کې د هرې کورنۍ لپاره ۵۰ کیلو اوړه، ۱۰ لیټره غوړي، ۷ کیلو لوبیا، ۷ کیلو وریجې، ۵ کیلو بوره او نیم کیلو شین چاۍ په پام کې نیول شوې ده.
![تصویر خبر](/sites/default/files/inline-images/WhatsApp%20Image%202024-07-16%20at%2012.01.34%20PM%20%282%29.jpeg)