پېښو ته د رسېدو په چارو کې د دولت وزیر لغمان ولایت ته سفر وکړ
لغمان- د مرغومي ۲مه-۱۴۰۲
الحاج ملا محمد عباس آخند پېښو ته د رسېدو په چارو کې د دولت وزیر د هېواد شرقي ولایتونو ته د سفر په ترڅ کې لغمان ولایت ته سفر وکړ. په دې سفر کې چې د لغمان ولایت والي محترم قاري زین العابدین او ورسره مل پلاوي یې ملتیا کوله په یاد ولایت کې د شاهي کانال له پروژې څخه لیدنه وکړه.
پېښو ته د رسېدو په چارو کې د دولت وزیر په خپلو خبرو کې ووېل چې د سیمې خلکو لپاره دغه پروژه ډېره مهمه ده او په نږدې راتلونکې کې به یې کار پیل شي چې کولاۍ شي د کرنیزو ځمکو لپاره د اوبو ستونزې حل کړي.
ورته مهال محترم قاري خیر محمد غازي د یاد ولایت پېښو سره د مبارزې رییس، د دې پروژې په اړه د معلوماتو په وړاندې کولو سره ووېل چې د دې پروژې په پلي کېدو سره به به زرګونه جریبه کرنیزه ځمکه خړوبه شي.
