پېښو ته د رسېدو په چارو کې د دولت وزیر ننګرهار ولایت ته ورسېد ننګرهار- د لړم ۱۰مه -۱۴۰۱
الحاج ملام محمد عباس آخند، پېښو ته د رسېدو په چارو کې د دولت وزیر، پداسې حال کې چې الحاج مولوي محمد سلیم حقانی د پلان او پالیسي رییس او مولوي احمد شاه ذهین د دغه وزارت د پېښو د چارو کارپوه ورسره ملتیا کوله، د وروستیو پېښو له امله زیانمن شویو ته د رسېدنې لپاره ننګرهار ولایت ته سفر وکړ او د مولوي رباني د ولایت مقام مرستیال، مولوي سیف الله خالد د دغه ولایت د پېښو سره د مبارزې رییس سره یې وکتل.
په دې کتنه کې د ننګرهار ولایت مقام مرستیال د ښه راغلاست ترڅنګ په هېواد او په ځانګړي توګه په ننګرهار ولایت کې پر وروستیو پېښو لکه زلزله او سیلابونو باندې خبرې وکړې او زیانمن شویو ته پر وخت رسېدنې او مدیریت څخه په مننې سره ووېل: دغه ولایت د طبیعي پېښو سره مخامخ دې او اړتیا ده ترڅو زیانمن شویو ته د رسېدنې لپاره وقایوي پروګرامونه او لاډېرې مرستې په پام کې ونیول شي. وروسته الحاج ملا محمد عباس آخند پېښو ته د رسېدو په چارو کې د دولت وزیر د زیانمن شویو سره د خواښوږۍ ترڅنګ ووېل: ۱۱ قلمه خوارکي او غیر خوراکي توکي چې، اوړه، وریجې، غوړي، بسکېټ، میګې آش، مربا، څپلکې، جامې، غنم، د حبوباتو کنسر او چپس په کې شامل دي، دغه ولایت ته لېږل شوي دي. ورته مهال د ننګرهار ولایت پېښو سره د مبارزې رییس د وروستیو سیلابونو له امله رامنځته شویو ځاني او مالي زیانونو په اړه معلومات وړاندې کولو سره ووېل: د ۱۵۰۰ کورنیو لپاره خوراکي، نغدي او غیرخوراکي مرستې وېشل شوي دي او د وېش لړۍ روانه ده. پېښو ته د رسېدو په چارو کې د دولت وزیر، د ننګرهار ولایت پېښو سره د مبارزې رییس ته لارښوونه وکړه ترڅو د زیانمن شویو سیمو څخه دقیقه سروې ترسر کړي او د نورو اجرااتو لپاره دې مرکز ته واستوي.
