په افغانستان کې د ترکیې د سرې میاشتې له رییس سره د پېښو پر وړاندې د چمتووالي ملي ادارې سرپرست لیدنه
کابل- د محرم الحرام ۲۲-۱۴۴۶
محترم الحاج ملا نورالدین ترابي د پېښو پر وړاندې د چمتووالي ملي ادارې سرپرست، نن سهار په خپل کاري دفتر کې له محترم نعمت الله کریمي په افغانستان کې د ترکیې د سرې میاشتې ریس سره وکتل او د پېښو مدیریت او پر ګډو همکاریو یې خبرې وکړې.
په دې کتنه کې د پېښو پر وړاندې د چمتتوالي ملي ادارې سرپرست، د دې ترڅنګ چې د ادارې د کارکونکو لپاره یې د یو مشخص یونیفورم پر جوړولو خبرې وکړې او د پېښو خطرونو کمولو په برخه کې یې عامه پوهاوی زیات مهم وباله او ویې وېل چې، وقایوي پروژې د سېلابونو په مهارولو کې د استنادي دیوالونو په څېر مهم رول لوبوي.
محترم ترابي صاحب وقایه د رسېدنې په پرتله کم مصرفه او ارزانه وباله او زیاته یې کړه چې، موږ هڅه کوو ترڅو په دې برخه کې لا زیات کار وکړو او همدارنګه له سرې میاشتې یې په دې برخه کې د همکاري غوښتنه هم وکړه.
همدارنګه د ترکیې د سرې میاشتې رییس، د ځاني او مالي زیانونو د کمولو په برخه کې د عامه پوهاوي مسلکي ټیمونواو د ژغورنې او لټون لپاره د چمتو ټیمونو شتون زیات مهم وباله، او وې وېل چې موږ له هانګ کانګ سره پر یوې ګډې طرحې کار کوو چې د سېندونو پر غاړه داسې د سنسور سیسټم نصب کړو چې د سېلابوو راوتلو او د اوبو د کچې لوړېدو په برخه کې د پېښې رامنځته کېدو څخه وړاندې خبر راکوي.
ښاغلي کریمي ووېل چې، د ترکیې سره میاشت د پېښو پر وړاندې د چمتووالي ملي ادارې سره د پېښې رامنځته کېدو په وخت کې د خیمو او ګرمې ډوډۍ په برخه کې همکاري ته چمتو دی, او ژمنه یې وکړه چې هر کله د ترکیې هیواد د افاد ادارې لخوا مرستې موږ ته سپارل کېږي نو د پېښو پر واړندې د چمتووالي ملي ادارې له لوري به مستحقینو ته وېشل کېږي.
