له پېښو سره د مبارزې آمادګۍ ملي ادارې سرپرست د اکشن اېډ موسسې له رئیس سره د ۷۹۹,۵۱۴ ډالرو په ارزښت د ګډو همکاریو تفاهم‌نامه لاسلیک کړه

rahyab
دوشنبه ۱۴۰۳/۱۱/۲۲ - ۲۱:۳
news image

نن ورځ دوشنبه، له پېښو سره د مبارزې آمادګۍ ملي ادارې سرپرست الحاج ملا نورالدین ترابي د اکشن اېډ موسسې له رئیس، سری کانتا میسرا سره په خپل کاري دفتر کې وکتل او د ګډو همکاریو تفاهم‌نامه یې ورسره لاسلیک کړه.
په دې ناسته کې، ترابي صاحب د ښه راغلاست ترڅنګ وویل چې موږ د خپلو خلکو د لا ښه خدمت او هغوی ته د زیاتو مرستو رسولو په لټه کې یو، له همدې امله نه یوازې دا چې د مرستندویه موسسو ملاتړ کوو، بلکې هغوی هڅوو چې د زیانمنو خلکو سره د مرستو او د هغوی د ستونزو د کمولو لپاره لا زیاته بودجه ځانګړې کړي.
ترابي صاحب زیاته کړه چې افغانستان د خپل جغرافیوي موقعیت له مخې له طبیعي پېښو زیانمن دی او د وقایوي پروژو پلي کولو ته اړتیا لري، نو له موسسو یې وغوښتل چې په دې برخه کې همکاري وکړي.
وروسته، د اکشن ایډ موسسې رئیس، سری کانتا میسرا، له پېښو سره د مبارزې آمادګۍ ملي ادارې سرپرست له همکاریو مننه وکړه، چې د تېرو تفاهم‌نامو د پلي کولو په برخه کې یې کړي دي، او د معلوماتو په وړاندې کولو سره هغه زیاته کړه چې دا موسسه د بشردوستانه او پراختیايي مرستو په برخو کې فعالیت کوي.
نوموړي ووېل چې یاده موسسه به ۲,۸۱۲ کورنیو ته په څلورو پړاوونو کې نغدي مرستې ووېشي او د ۱,۲۷۴ کورنیو ته به د څارویو د واښه برابرولو په موخه په سیغان، شیبر او د بامیان ولایت مرکز کې نغدي مرستې ووېشي.
د یادونې وړ ده چې د دې تفاهم‌نامې له مخې، ۷۹۹,۵۱۴ (اووه سوه نهه نوي زره او پنځه سوه څوارلس) ډالر به ۲,۸۱۲ کورنیو ته په سیغان، شیبر او د بامیان ولایت مرکز کې وويشل شي، چې هرې کورنۍ ته به د خوراکي توکو د برابرولو لپاره په څلورو پړاوونو کې ۱۷۲.۱۲ ډالر ورکول کېږي، او ۱,۲۷۴ کورنیو ته به د څارویو واښه برابرولو لپاره هرې کورنۍ ته ۹۵ ډالر ورکول کېږي.

نېټه:۱۴۴۶/۸/۱۱
له پېښو سره د مبارزې آمادګۍ ملي اداره

تصویر خبر

وروستي خبرونه

یکشنبه ۱۴۰۴/۱/۳۱ - ۹:۲۳
Background image

له پېښو سره د مبارزې آمادګۍ ملي ادارې سرپرست په تورخم کې د دې ادارې اړوند د کډوالو په پنډغالي کې دتیرو ورځو په څیر د ۱۷ کاري کمېټو څخه راپور واخیست

نن ورځ یک شنبه د سهار په ۵:۳۰ بجې له پېښو سره د مبارزې آمادګۍ ملي ادارې سرپرست الحاج ملا نورالدین ترابي، د تورخم په پنډغالي کې چې د دې ادارې لخوا د جبري راستنېدونکو لپاره جوړ شوی، د یاد. . .

شنبه ۱۴۰۴/۱/۳۰ - ۱۹:۲
Background image

د کډوالو د نړیوال سازمان رئیسي، د خوړو د نړیوال پروګرام رئیسي،  او د UNICEF رئیس په تورخم کې د اجباري اېستل شوو کډوالو لپاره له پېښو سره د مبارزې آمادګۍ ملي ادارې لخوا د جوړ شوي پنډغالي څخه لیدنه وکړه

نن ورځ شنبه له غرمې وروسته د کډوالو د نړیوال سازمان (IOM) رئیسي اغلي میا پارک، د خوړو د نړیوال پروګرام (WFP) رئیسي اغلي موټنتا، د UNICEF رئیس تا ج الدین،
   او د ملګرو ملتونو د کډوالو د. . .

شنبه ۱۴۰۴/۱/۳۰ - ۱۷:۲۶
Background image

له پېښو سره د مبارزې آمادګۍ ملي ادارې سرپرست په تورخم کي د کډوالو په عمري کمپ کې د کډوالو د وضعیت د ارزوني په موخه له نړیوالو مرستندویو سازمانونو د مسؤلینو سره وکتل

نن ورځ شنبه، له پېښو سره د مبارزې آمادګۍ ملي ادارې سرپرست.الحاج ملا نورالدین ترابي د یونیسف، د کډوالو نړیوال سازمان (IOM)، د نړیوال خوراکي پروګرام (WFP) او  UNHCR او  نورو مرستندویو. . .

نوي اعلانونهآخرین اطلاعیه ها

دوشنبه ۱۴۰۴/۱/۲۵ - ۱۵:۱۷
Background image
پنجشنبه ۱۴۰۳/۲/۶ - ۱۰:۳۱
Background image

رسنیز بلنلیک 

په روسیه فدراتیف هېواد کې مېشت د افغان سوداګریزې ټولنه په پام کې لري چې په افغانستان کې د وروستیو بارانونو او سېلابونو له امله زیانمنو سره د مرستې په موخه ۳۳ ټنه خوراکي مرستې نن ورځ د . . .

پنجشنبه ۱۴۰۱/۱۰/۲۲ - ۱۱:۴۲
Background image

اړینه- خبرتیا

لکه څرنګه چې زموږ هېوادوال پوهېږي، په تېرو څو ورځو کې د هېواد په یو شمېر ولایتونو کې د سختې یخنۍ ترڅنګ د واورې او بارانونو د ورېدو شاهدان و، او د ملکي هوايي چلند ادارې د هوا پېژندنې . . .