له پیښو سره د مبارزې امادګۍ ملي ادارې او د افغانستان لپاره د ناروې کميټې  تر منځ د ۶۹۸۵۴۷  شپږ لکه اته نیوي زره پنځه سوه اوه څلویښت ډالرو په ارزښت د ګډو همکاريو تفاهم نامه لاسلیک سوه

نن ورځ دوشنبه، له پیښو سره د مبارزې آمادګۍ ملي ادارې  سرپرست الحاج ملانورالدین ترابي د ناروې کميټي معاون او  سرپرست احسان فقیري، د بشري مرستو مسؤل ذبیح الله رحمتي، داړیکو مسؤل مجیب الله شیرزوی او داړیکو معاون حامد احمدي سره په خپل کاري دفتر کي وکتل. 
له پیښو سره دمبارزې امادګي ملي ادارې سرپرست ترابي صاحب تر هرڅه مخکي راغلي پلاوي ته ښه راغلاست ووایه او خوښي یی څرګنده کړه او وویل چي مؤسیسات باید په کارو کي چټکتیا راولي  خصوصاً  په ژمني مرستو کي ترڅو خلګ پر وخت ورڅخه برخمن سي.
ترابي صاحب زیاته کړل چي موږ هڅه کوو چي ژر ترژره دمؤسیساتو کارونه خلاص کړو ترڅو افغان اولس یی دهمکاریو څخه برخمن سي او موږ د ټولو موسیساتو سره دامارت په اصولو او چوکاټ کي پوره همکاري کوو.
دناروې کميټې سرپرست رئیس احسان فقیري  وویل چي خوشاله یو چي موږ ته مو د ملاقات وخت راکړ او خوښي یی څرګنده کړه چي په کارونوکي موهیڅ خنډ او ځنډ نه دی راغلی همدارنګه یی  وویل چي موږ په بیلابیلو برخو کي افغان اولس ته خدمت کوو او په ۱۲ ولایتونو کي پر پروژو باندي زموږ کار شروع دی.
دیادوني وړ ده  چي د ۶۹۸۵۴۷  شپږ لکه اته نیوي زره پنځه سوه اوه څلویښت ډالرو په ارزښت په پروان پنجشیر او بدخشان ولایتونو کي ۱۶۳۰مستحقو کورنیو سروې کوي او ورسته د پروژې  له مخې مستحقو کورنیو ته نغدي پیسې او کمپلي ویشي.

①— د بدخشان ولایت د فیض آباد په ښار کې د ۷۵۸مستحقو کورنیو ته په دې برنامه کې هرې کورنۍ ته به د ۷۴ امریکایي ډالرو معادل افغانۍ د ژمنیو جامو اخیستلو لپاره، د۲۰۰ امریکایي ډالرو معادل افغانۍ د ژمنیو سون موادو اخیستلو لپاره، څلور تختې یو نفري کمپلې او یوه تخته دوه نفري کمپله ووېشل شي.

②— د پروان ولایت د شینوارو په ولسوالۍ کې ۲۰۴مستحقو کورنیو ته به په دې برنامه کې  هرې کورنۍ ته د۷۴ امریکایي ډالرو معادل افغانۍ د ژمنیو جامو اخیستلو لپاره، ۲۰۰ امریکایي ډالرو معادل افغانۍ د ژمنیو سون توکو اخیستلو لپاره او څلور تختې یو نفري کمپلې او یوه  تخته دوه نفري کمپله ووېشل شې.

③— د پنجشیر ولایت په دره  ولسوالۍ کې به د ۶۶۸ مستحقو کورنیو ته په دې برنامه کې هرې کورنۍ ته د ۷۴ امریکایي ډالرو معادل افغانۍ د ژمنیو جامو پېرلو لپاره، ۲۰۰ امریکایي ډالرو معادل افغانۍ د ژمنیو سون توکو درانیولو لپاره او څلور تختې یو نفري کمپلې، او یوه تخته دوه نفره کمپله ووېشل شي.

نیټه: ۱۴۴۶/۶/۱۴  هـ ق
له پیښو سره د مبارزي آمادګۍ ملي اداره