له پیښو سره د مبارزې آمادګۍ ملي ادارې او د اسلامي هوسایني مؤسیسې تر منځ د ګډو همکاريو تفاهم نامه لاسلیک سوه
نن ورځ دوشنبه، له پیښو سره د مبارزې آمادګۍ سرپرست الحاج ملانورالدین ترابي او د اسلامي هوسایني مؤسیسې سرپرست احمدشا وفا، د پروګرامونو مسؤل رحمت الله خوګیاڼي او مل پلاوي سره وکتل.
ترابي صاحب د یادي مؤسیسې راغلي پلاوي ته ښه راغلاست ووایه او زیاته یې کړل چي باید خپل مرستي د افغان اولس سره جاري وساتي او همیشه دطبیعي او غیر طبیعي پیښو ځپلو کورنیو سره دوامداره همکاري وکړي او هغه مواد پر خلګو د مرستي په توګه وویشي چي خلګ ورته اړتیا لري.
همدارنګه ترابي صاحب وویل چي په هر ولایت کي مؤسیسات توزیع او یاهم سروې کوي موږ ورسره د دولت په اصولو اوچوکاټ کي پوره همکاره یو او د یادې ادارې ریاستونه په هر ولایت کي شتون لري.
د اسلامي هوسایني مؤسیسې سرپرست احمدشا وفا وویل چي یاده مؤسیسه په بیلابیلو برخو کي د خلګو سره مرستي کوي چي یوه برخه یې دطبیعي او غیر طبیعي پیښو زیانمنو کورنیو سره نغدي، خوراکي او غیر خوراکي توکو مرسته کوي او تل یې د سیلاب ځپلو، مهارجرینو او پیښو ځپلو سره همکاري کړې ده.
د یادوني وړ ده چي (۴۳۶۳۹۲)څلور لکه شپږ دیش زره دري سوه دوه نیوي ډالره به د غور ولایت په مرکز فیروز کوه او الله یار ولسوالۍ کي د ۹۵۳ زیانمنو شو کورنیو سره د ژمي لپاره نغدي مرسته ویشي چي هري کورنۍ ته به ۳۵۷ ډالره چي معادل یې ۲۴۳۰۰ افغانۍ کیږي وویشل شي.
په ورستیو کي ترابي صاحب د غور ولایت هغه ۳۰۰ کورنۍ چي په غور ولایت کي د سیلابونو له امله بي ځایه شوي وه، مؤسیسې ته یې یادونه وکړل چي باید د دغه کورنیو سره ژر تر ژره مرسته وشي.
نيټه: ۱۴۴۶/۴/۲۵ هــ ق
له پیښو سره دمبارزې آمادګۍ ملي اداره
