له پیښو سره دمبارزې آمادګۍ ملي ادارې سرپرست د ملګرو ملتونو د استوګني اداری (UN- HABITAT) د راغلي پلاوي سره وکتل
نن ورځ چهار شنبه ماپیښین، له پیښو سره دمبارزې امادګۍ ملي ادارې سرپرست الحاج ملا نورالدین ترابي او د ملګرو ملتونو داستوګني ادارې د ابادۍ برنامي مسؤل عبدالدین راسخ د سرپنا د ترمیم د برنامې مسؤل مسعود حمزه د پروژې انجینر محمد یوسف رحمتي سره په خپل کاري دفتر کي وکتل.
ترابي صاحب د UN-HABITAT ادارې راغلي پلاوي ته ښه راغلاست ووایه او زیاته یې کړل چي موږ ستاسو څخه ډیره مننه کوو چی زموږ د مظلوم سیلاب زده اولس سره هر وخت خواخوږی کوی.
همدارنګه ترابي صاحب یو ځل بیا ټینګار وکړ چي باید مؤسیسات په ولایتونو او ولسوالیو کي خلګو ته اساسي او غوره کارونه وکړي ترڅو اولس ورڅخه ښه استفاد وکړي.
د ملګرو ملتونو داستوګني ادارې د ابادۍ برنامې مسؤل عبدالدین راسخ وویل چي موږ د کابل ولایت په ۳ ناحیو کي او د ننګرهار ولایت په سرخورد ولسوالۍ کي سروې کوو او ورسته دکابل ولایت په ۳ ناحیو کي ۳۲۲ کورنیو او په ننګرهار سرخورد ولسوالۍ کي ۳۲۳ کورنیو ته چی جمله ۶۴۵ کورونه کیږی د سرپنالپاره کورنه ورته ترمیموو چی په هر کور باندی ۵۵۰ دالره ورکوو ۳۰۰ په اول قسط او ۲۵۰ بیا په دویم قسط ورکوو چی دا پروسه به د نومبر د اول تاریخ څخه موږ له پیښو سره د مبارزې امادګۍ ملي ادارې سره په تفاهم شروع کړو.
نیټه: ۱۴۴۶/۴/۲۰ هــ ق
له پیښو سره د مبارزې امادګۍ ملي اداره
