د Handicap International موسسه به د برمل او ګیان زلزلې ځپلو ته خپل د رواني درملنې او بیارغونې خدمتونه پیل کړي
کابل- د تلې ۷مه-۱۴۰۱
محترم مولوي شرف الدین مسلم پېښو ته د رسېدو په چارو کې د دولت وزارت مرستیال او د وروستۍ زلزلې ځپلو ته د مرستو د تنظیم او رسېدنې کمېسیون سرپرست نن سهار له عبدالباسط دراني د Handicap International موسسې د مرستو رسولو او اړیکو مرستیال سره لیدنه وکړه.
په دې لیدنه کې ښاغلي دراني د پکتیکا ولایت په ګیان او برمل ولسوالیو کې د کار د دوه مرکزونو د پیل لپاره د همکاري په غوښتلو سره ووېل چې د دغه کمېسیون د اجازې په ترلاسه کولو سره به دوۍ خپل کار پیل کړي.
وروسته ښاغلي مسلم د د دغې موسسې لخوا د وروستۍ زلزلې ځپلو سره د همکاري کولو د لیوالتیا په درلودو څخه په مننې سره هغوۍ ته د فعالیتونو د مرکزونو د پرانیستلو اجازه ورکړه، چې سر له ننه په دوه ولسوالیو کې د دوو مرکزونو د جوړولو لپاره د لازمو وسایلو او تجهیزاتو د لېږد پروسه پیل شوه.
د Handicap International یو نړیوال بنسټ دې چې د رواني درملنې، بیارغونې او د بشري مرستو په برخه کې کار کوي.
د یادونې وړ ده چې د UNHCR له لوري د ملګرو ملتونو د مرستو په چوکاټ کې د زلزلې له امله زیانمن شویو ته چې کورونه یې ویجاړ شوي وو د بیارغونې د یوې پروژې کار چې مخکې د دغه وزارت د مرستیال لخوا د یادې پروژې کار پرانیستل شوی و، په چټکۍ سره روان دې او ډېر ژر به بشپړ شي.
