:: د څارنې او ارزونې ریاست ::

سریزه:
د څارنې او ارزونې ریاست دنده لري چې د ادارې د عمومي لیدلوري سره سم د روڼتیا ډاډ ترلاسه کړي. دغه ریاست د څارنې او ارزونې له لارې د ادارې د کړنو څارنه او ارزونه کوي او د چارو په ښه توګه ترسره کولو په موخه لازمې مشورې او سپارښتنې وړاندې کوي. څارنه او ارزونه د مدیریت دوه مهمې وسيلې دي چې د فعالیتونو د سم کنټرول او د سازمان د کاري کیفیت د لوړوالي لپاره حیاتي رول لري.  د څارنې او ارزونې ریاست د یوې ادارې خورا اړینه برخه ده او یوه اداره کولای شي له همدې لارې د خپلو پرګرامونو او پروژو پرمختک وڅاري او په اداري چارو کې اصلاح او سمون راولي او له فساد څخه مخنیوی وکړي.

موخی:

1. د یو پروګرام یا پروژی رښتینی حالت پیژندل.
2. د پلان په پلي کېدو کې شته نیمګړتیاوې او د ضعف ټکي پیژندل.
3. د هغو فکتورونو پېژندل چې وکولای شي په اوږد مهاله شکل د پلان او پالیسیو دوام له خطر سره مخامخ کوی.
4. د هغو فرصتونو او وړتیاوو په ګوته کول چې وکولای شي دا څانګه د پلان او پالیسۍ په پلي کولو کې بریالۍ کړي.
5. د ریاست د پلانونو او پالیسیو د پلي کیدو په پروسه کې د روڼتیا رامنځته کول.
6. ټاکل شویو موخو ته د رسېدو په موخه د کړنو د لومړیتوبونو لپاره د مناسب چاپیریال رامنځته کول.

د څارنې او ارزونې د ریاست عمده دندې:

1. د پایلو پر بنسټ  د کلني پلان د ۲۷، ۲۸ او ۳۰ شمېرې بند د ښه او پر وخت پلي کولو څخه څارنه او ارزونه ترسره کول.
2. له پېښو سره د مبارزې آمادګۍ ملي ادارې د پایلو پر بنسټ، د درې میاشتني (ربعوار) راپور راټولول، توحید کول او په دوؤ ملي ژبو (پښتو او دري) د چارو محترمې ادارې ته لېږل.
3. له ۴۴ مرکزي او ولایتي واحدونو نه څارنه او ارزونه  ترسره کول.
4. د وقایوي، پراختیایي او بېړنیو حالاتو د پروژو د پلي کېدو له پروسې او د هوکړه لیکونو او تړونونو نه څارنه او ارزونه تر سره کول.
5. په مرکزي او ولایتي واحدونو کې له قوانینو او نورو تقنینی اسنادو له پلي کېدو څخه څارنه او ارزونه کول.
6. د مرکزي او ولایتي کارکوونکو د کړنو د ښه والي په موخه د پالیسیو او کړنلارو له پلي کېدو نه  څارنه او ارزونه.
7. د هیواد په کچه د پېښو قربانیانو ته د مرستو د وېش، لېږد او د قراردادونو له بهیر څخه څارنه او ارزونه ترسره کول.
8. د بیړنیو عملیاتو مدیریت او څارنه کول، ترڅو بېړنۍ او پر وخت مرستې چمتو شي او د پیښو له زیانمنو سره د مرستو په وېش کې د روڼتیا رامنځته کول.
9. د دفتر په ټولو اداري چارو کې د اړوندو قوانینو د  پلي کیدو څخه څارنه او ارزونه تر سره کول.؛
10.  زیانمنو ته د مرستو د وېش په اړه د مقرراتو او کړنلارو له پلي کیدو څخه ډاډ تر لاسه کول.
11.  په اړوندو مرکزي او ولایتي واحدونو کې د محترمې ادارې د مقام د لارښوونو له پلي کېدو څخه څارنه او ارزونه ترسره کول.
12.  د مرکز او ولایتونو په کچه د پېښو له امله زیانمنو شویو ته د مرستو له کیفیت او له عادلانه وېش څخه څارنه او ارزونه ترسره کول.

د ۱۴۰۲ لمریزکال راپور:
عمده کړنې:

1. د څارنې او ارزونې ریاست ته یوه منظمه او روښانه تکلاره چمتو کول او له دري ژبې پښتو ژبې ته ژباړل.
2. د څارنې او ارزونې پروسه د لا ښه او معیاری پلي کېدو په موخه په دوو ملي ژبو د څارنې او ارزونې  په تړاو د معیاري چک لستونواو پوښتنلیکونو ترتیب کول.
3. د پېښو د مدیریت په تړاو د ارزونې یو منظم پلان جوړول.
4. په پکتیکا او خوست ولایتونو کې د همکارو مؤسساتو د پروژو د کار له جریان څخه څارنه کول.
5. د کابل ولایت له پېښو سره د مبارزې آمادګۍ ریاست څخه د پلانونو، پالیسیو، فرمانونو ، حکمونو او د بشردوستانه مرستو د پروګرامونو د پلي کېدو په اړه څارنه او ارزونه ترسره کول او راپور یې له مقام سره شریک کول.
6. د کارکوونکو د چارو له ریاست څخه د ګمارنې له پروسې، د کارمندانو د کړنو ارزونه، روزنیز پروګرامونه، د حاضري له دفتر څخه لیدنه او د نورو اړونده اداري مسایلو څخه څارنه او ارزونه تر سره کول او توحید شوی راپور مقام سره شریک کول.
7. د ماین پاکۍ د انسجام او همغږۍ ریاست له کاري پلان او د دندو د قانون سره سم د کاري پرګرامونو او د ماین پاکۍ د کړنو څخه څارنه او ارزونه ترسره کول او توحید شوی راپور یې له مقام سره شریک کول.
8. د بېړنیو عملیاتو د مرکز ریاست د کاري پلان او د دندو د قانون سره سم د کاري پرګرامونو لکه، د بېړنیو پېښو همغږي، د زیانونو سروې او ارزونه، د نغدو مرستو د وېش او نورو بشري مرستې له برابرولو څېړنه کول.
9. له پېښو سره د مبارزې آمادګۍ ملي ادارې د ۱۴۰۲ لمریز مالي کال د پایلو پر بنسټ، درې میاشتني (ربعوار) راپورونه راټولول، توحیدول او په دوؤ ملي ژبو (پښتو او دري) د چارو محترمې ادارې ته استول.
10. له ولایتي واحدونو څخه د ۱۴۰۲ لمریز مالي کال د (فعالیتونو، لاسته راوړنو، ستونزو او وړاندیزونو) راپور راټولول او توحید شوی راپور یې د ادارې محترم مقام ته وړاندې کول.

لاسته راوړنی:

1. د معلوماتو په ترلاسه کولو کې د اسانتیاوو رامنځته کول.
2. په اداره کې نویو ګمارل شويو کارکوونکو ته د دندو د لایحې  بندونه روښانه کول، ترڅو خپلې دندې د قانون او لایحې سره سم ترسره کړي.
3. د کاري واحدونو چټکتیا او په کارونو کې لا ښه والی رامنځته کېدل.
4. د اړونده ادارې د چارو د لا ښه او پر وخت سرته رسولو، په اداره کې د فساد د مخنيوي او په کړنو کې د لا شفافيت راوستولو په موخه له مرکزي ریاستونو او مستقلو آمریتونو څخه څارنه او ارزونه ترسره کول.
5. د فساد د مخنيوي او په قانوني بڼه د کار د سرته رسولو په منظور د پروژو د کار له کیفیت نه څارنه او ارزونه تر  سره کول.

د ۱۴۰۳ لمریز کال راپور:
د لومړي ربعې راپور:

1. له پېښو سره د مبارزې آمادګۍ ملي ادارې د ۱۴۰۳ لمریز کال د لومړۍ ربعې د فعالیتونو او لاسته راوړنو په اړه  درې میاشتنی (ربعوار) راپور راټولول، توحیدول او په دوؤ ملي ژبو (پښتو او دري) د چارو ادارې ته استول.
2. له پېښو سره د مبارزې آمادګۍ ملي ادارې د مرکزي ریاستونو د ۱۴۰۳ لمریز کال د لومړۍ ربعې د عمده لاسته راوړنو راپور راټولول، توحیدول او له محترم مالی او اداری ریاست سره شریک کول تر څو مالیه وزارت ته په ربعوار شکل واستول شي.
3. د ادارې د محترم مقام په لارښوونه، لغمان او لوګر ولایتونو ته د پیښو له امله زیانمنو شویو ته د رسیدنې په موخه د خوراکي او غیر خوراکی مرستو انتقال.
   
   د دویمی ربعې راپور:

1. له پېښو سره د مبارزې آمادګۍ ملي ادارې د ۱۴۰۳ لمریز کال د دویمې ربعې د فعالیتونو او لاسته راوړنو په اړه  درې میاشتنی (ربعوار) راپور راټولول، توحیدول او په دوؤ ملي ژبو (پښتو او دري) د چارو ادارې ته استول.
2. له پېښو سره د مبارزې آمادګۍ ملي ادارې د مرکزي ریاستونو د ۱۴۰۳ لمریز کال د دویمې ربعې د عمده لاسته راوړنو راپور راټولول، توحیدول او د مالي او اداري ریاست سره شریک کول تر څو مالیه وزارت ته په ربعوار شکل واستول شي.
3. په تخار ولایت کې د ۶ ټولګټو پروژو د کار د کیفیت د ښه والي او له پلان سره سم د پروژو د پلي کېدو څخه څارنه او ارزونه ترسره کول.
4. په مرکز کې د طبیعی پېښو له امله زیانمنو ته د مرستو د وېش څارنه کول.
5. د اسنادو د محرم ساتلو، د اداري چارو د روڼتیا او ژر تر ژره د پلي کېدو په موخه د اسنادو فائل لپاره ډیټابیس جوړول

د دریمې ربعې راپور:

1. له پېښو سره د مبارزې آمادګۍ ملي ادارې د ۱۴۰۳ لمریز کال د دریمې ربعې د فعالیتونو او لاسته راوړنو په اړه  درې میاشتنی (ربعوار) راپور راټولول، توحیدول او په دوؤ ملي ژبو (پښتو او دري) د چارو ادارې ته استول.
2. په اداري چارو کې د روڼتیا، چټکتیا او د ورځنیو اداري چارو د لا ښه والي او پرمختګ د تآمین په موخه له پېښو سره د مبارزې آمادګۍ ملي ادارې د مرکزي ریاستونو او مستقلو آمریتونو کارکوونکي د دندې لائحي او کاری پلان ته متوجه کولو په منظور څارنه او ارزونه ترسره کول.
3. له پېښو سره د مبارزې آمادګۍ ملي ادارې د مرکزي ریاستونو د ۱۴۰۳ لمریز کال د دریمې ربعې د عمده لاسته راوړنو راپور راټولول، توحیدول او د مالي او اداري محترم ریاست سره شریک کول تر څو مالیه وزارت ته په ربعوار شکل واستول شي.
4. د امیرالمؤمنین (حفظه الله) د فرمانونو، د ریاست الوزرا د احکامو او له پېښو سره د مبارزې آمادګۍ ملي ادارې د مقام د هدایاتو له پلي کېدو څخه په ټولو مرکزي ریاستونو کې څارنه او ارزونه ترسره کول.
5. د آرشیف دوسیه او  داغمه اجناسو د موجودیت د څېړنې لپاره د دې ریاست د درې تنه کارکوونکو موظف کېدل.