د پېښو پر وړاندې د چمتووالي ملي ادارې سرپرست د جاپان هیواد له سفیر سره وکتل او اړمنو ته د رسېدنې په اړه یې خبرې وکړې

rahyab
یکشنبه ۱۴۰۳/۵/۷ - ۱۰:۲
news  image

کابل- د محرم الحرام ۱۹-۱۴۴۶/ د زمري ۴-۱۴۰۳
محترم الحاج ملا نورالدین ترابي د پېښو پر وړاندې د چمتووالي ملي ادارې سرپرست، نن سهار د خپل کار په دفتر کې په کابل کې مېشت د جاپان هیواد له سفیر کورمیاتاکایوشي سره وکتل او په داخل او بهر کې د ظرفیت لوړولو پروګرامونو پلي کولو، په اداره کې د اړتیا وړ وسایلو، په اضطراري حالاتو کې د پېښو مدیریت لپاره د رضاکارانو پر طرحې جوړولو او اړمنو ته د رسېدنې په اړه خبرې وکړې.
په دې کتنه کې د پېښو پر وړاندې د چمتووالي ملي ادارې سرپرست، د جاپان هیواد سفیر ته د ښه راغلاست ترڅنګ د هغوۍ له بشري مرستو مننه وکړه، او د دفتري وسایلو، د ظرفیت لوړولو پروګرامونو پلي کولو، ورکشاپونو او د دې ادارې د کارکونکو لپاره د پېښو مدیریت په برخه کې د تجربو شریکولو غوښتنه وکړه.
ورته مهال، په کابل کې د جاپان سفیر د افغانستان له خلکو سره د جاپان د خلکو د دوستي په اړه په خبرو سره ووېل: د جاپان خلک د افغانستان له خلکو سره هر ډول مرستو ته چمتو دي. 
ښاغلي تاکایوشي روزنیز پروګرامونه له اساسي پروژو څخه وبلل او د پېښو پر وړاندې د چمتووالي ملي ادارې د کارکونکو لپاره د روزنیزو پروګرامونو برابرولو او د دفتر اړتیا وړ وسایلو ورکولو ژمنه یې وکړه.
همدارنګه د پېښو پر وړاندې د چمتووالي ملي ادارې, د جاپان د JICA موسسې او د ترکیه هیواد د ټیکا موسسې ترمنځ په همکاري او همغږي, د یادې ادارې د کارکونکو لپاره د ظرفیت لوړولو پروګرامونو پر پلي کولو هم خبرې وشوې.
په پای کې د پېښو پر وړاندې د چمتووالي ملي ادارې سرپرست، پر دوه اړخیزې همغږي او تفاهم ټینګار وکړ او د متقابلې همکاري ژمنه یې وکړه.

news image

وروستي خبرونه

یکشنبه ۱۴۰۴/۷/۲۰ - ۱۵:۲۰
Background image

د لوګر ولایت له پېښو سره د مبارزې آمادګۍ ریاست د درېیو استنادي دیوالونو د جوړولو چارې پیل کړې 

د لوګر ولایت له پېښو سره د مبارزې آمادګۍ ریاست، له پېښو سره د مبارزې آمادګۍ ملي ادارې د لویو رئیس؛ الحاج ملانورالدین ترابي د لارښوونې له مخې، د دې ولایت د برکي برک ولسوالۍ په درې الف. . .

یکشنبه ۱۴۰۴/۷/۲۰ - ۱۴:۵۸
Background image

د لغمان ولایت له پېښو سره د مبارزې آمادګۍ ریاست په علینګار ولسوالۍ کې د کیبلي پل د جوړولو کار پیل کړ

له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي د لارښوونې پر بنسټ، د لغمان ولایت له پېښو سره د مبارزې آمادګۍ ریاست، د یاد ولایت په علینګار ولسوالۍ کې. . .

یکشنبه ۱۴۰۴/۷/۲۰ - ۱۲:۳۳
Background image

د فاریاب ولایت له پېښو سره د مبارزې آمادګۍ ریاست ۴۱۰ کورنیو ته خوراکي مرستې ووېشلې 

د فاریاب ولایت له پېښو سره د مبارزې آمادګۍ ریاست د دې ولایت د میمنه ښار په بېلابېلو ناحیو کې ۴۱۰ مستحقو کورنیو ته له سروې وروسته د خوراکي توکو مرستې ووېشلې. 
په دې لړۍ کې هرې کورنۍ ته د. . .

نوي اعلانونهآخرین اطلاعیه ها

دوشنبه ۱۴۰۴/۱/۲۵ - ۱۵:۱۷
Background image
پنجشنبه ۱۴۰۳/۲/۶ - ۱۰:۳۱
Background image

رسنیز بلنلیک 

په روسیه فدراتیف هېواد کې مېشت د افغان سوداګریزې ټولنه په پام کې لري چې په افغانستان کې د وروستیو بارانونو او سېلابونو له امله زیانمنو سره د مرستې په موخه ۳۳ ټنه خوراکي مرستې نن ورځ د . . .

پنجشنبه ۱۴۰۱/۱۰/۲۲ - ۱۱:۴۲
Background image

اړینه- خبرتیا

لکه څرنګه چې زموږ هېوادوال پوهېږي، په تېرو څو ورځو کې د هېواد په یو شمېر ولایتونو کې د سختې یخنۍ ترڅنګ د واورې او بارانونو د ورېدو شاهدان و، او د ملکي هوايي چلند ادارې د هوا پېژندنې . . .