د ننګرهار ولایت له پېښو سره د مبارزې آمادګۍ ریاست ٢٠٠ اجباري اېستل شویو راستنېدونکو کورنیو ته خوراکي او غیرخوراکي مرستې ووېشلې

له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي په لارښوونه، د ننګرهار ولایت له پېښو سره د مبارزې آمادګۍ ریاست د یاد ولایت په رودات، اچین، بټي کوټ، نازیان، پچیرآګام، چپرهار، دوربابا، کوټ او شینوارو ولسوالیو کې ٢٠٠ راستنېدونکو کورنیو ته چې له ایران او پاکستان څخه په اجباري ډول اېستل شوې وې او د یاد ولایت په دې ولسوالیو کې ځای پر ځای شوې دي، خوراکي او غیرخوراکي مرستې ووېشلې. 

په دې لړۍ کې، هرې کورنۍ ته د مسؤلینو په شتون کې، ٦.٥ لیټره غوړي، یو کیلو مالګه، ١٥ کیلو وریجې، ٤٠٠ ګرامه پاستا، یو کیلو دال، ٤٠٠ ګرامه د چایو پوډر، ٤٠٠ ګرامه فول مدامس، ١٧٠ ګرامه سپینه ټونا ماهی، ٢ پاکټه نخود، ٢ پاکټه لوبیا، یو کیلو غنم، ٤٠٠ ګرامه د ټماټر پیسټ، ٦ کیلو خرما، ٥٠ کیلو اوړه او یو روغتیایي کيټ ووېشل شو.

په پای کې، د مرستو ترلاسه کوونکو کورنیو د مرستو د ورکولو په پار خوښي څرګنده کړه او له یاد ریاست څخه یې د مننې کولو ترڅنګ د ورته نورو مرستو د کولو غوښتنه وکړه.

نېټه: ۱۴۴۷/۷/۲۷ هـ ق

له پېښو سره د مبارزې آمادګۍ ملي اداره