د میدان وردګ ولایت په جلریز ولسوالۍ کې ۸ بوشکه یي ماینونه کشف او خنثی شول
د میدان وردګ ولایت له پېښو سره د مبارزې آمادګۍ ریاست د همغږۍ له مخې، د ایریا ماین پاکۍ مؤسسې QRT-04 تخنیکي ټیم د دې ولایت د جلریز ولسوالۍ په مامکی سیمه کې ۸ عدده بوشکه یي ماینونه کشف او په خوندې توګه خنثی کړل .
د ماینونو او ناچاوده توکو د خطرونو د کموالي په موخه د میدان وردګ ولایت له پېښو سره د مبارزې آمادګۍ ریاست د ایریا ماین پاکۍ مؤسسي په همکارۍ د ولایت په سطحه ګرځنده تخنیکي ټیمونه موظف کړي، تر څو په پاتی سيمو کې د چاوديدونکو توکو له امله د احتمالي پېښو رامنځته کېدو خطرونو کم کړي.
د یادونې وړ ده، چي د میدان وردګ ولایت له پېښو سره د مبارزې آمادګۍ ریاست له خلکو غوښتنه کوي چې د هر ډول مشکوک يا چاودېدونکو توکو د لیدو په صورت کی، ژر تر ژره له اړوندو مسؤلينو سره اړيکه ونيسي، تر څو د خنثی کولو په برخه کې یې اړین اقدامات ترسره شي.
نېټه: ۱۴۴۷/۶/۱۷ هـ ق
له پېښو سره د مبارزې آمادګۍ ملي اداره
