د بادغیس ولایت له پېښو سره د مبارزې آمادګۍ ریاست په مرکز قلعه نو او آب کمري ولسوالۍ کې د درې لویو وقایوي پروژو د پلي کولو کار پیل کړ
د کډوالۍ نړیوال سازمان (IOM) سره له پېښو سره د مبارزې آمادګۍ ملي ادارې د مقام د همغږۍ پر بنسټ، د بادغیس ولایت له پېښو سره د مبارزې آمادګۍ ریاست د یاد سازمان په ملاتړ، د یاد ولایت په مرکز قلعه نو او آب کمري ولسوالۍ کې د درې استنادي دیوالونو د جوړولو کار پیل کړ.
لومړۍ پروژه په ده سرخک کلي کې د ۱۶۸ متره په اوږدوالي او ۴.۷۰ متره په لوړوالي د استنادي دیوال جوړولو،
دویمه پروژه د مرکز قلعه نو په آبدول کلي کې د ۲۵۶ متره په اوږدوالي او ۴.۵۰ متره په لوړوالي د استنادي دیوال جوړولو او درېیمه پروژه د آب کمري ولسوالۍ د آغک په کلي کې د ۲۲۶ متره په اوږدوالي او ۴.۹۰ متره په لوړوالي د استنادي دیوال د جوړولو ده.
د یادونې وړ ده، چې د دغو پروژو په پلي کېدو سره به شاوخوا ۵۰۰ هستوګنځایونه، ۲۰۰ جریبه کرنیزه ځمکه او ټولګټي تاسیسات د سیلابونو له احمالي خطرونو څخه خوندي شي.
نېټه:۱۴۴۷/۶/۱۷ هـ ق
له پېښو سره د مبارزې آمادګۍ ملي اداره
