له پېښو سره د مبارزې آمادګۍ ملي ادارې سرپرست په تورخم کي د کډوالو په عمري کمپ کې د کډوالو د وضعیت د ارزوني په موخه له نړیوالو مرستندویو سازمانونو د مسؤلینو سره وکتل

نن ورځ شنبه، له پېښو سره د مبارزې آمادګۍ ملي ادارې سرپرست.الحاج ملا نورالدین ترابي د یونیسف، د کډوالو نړیوال سازمان (IOM)، د نړیوال خوراکي پروګرام (WFP) او  UNHCR او  نورو مرستندویو ادارو له مسؤولینو سره د کډوالو د ژوند د ښه والي او ستونزو ته د رسیدو په موخه په عمري کمپ کې وکتل.
یاده لیدنه د دې لپاره تر سره شوه څو د کډوالو د ژوند شرایط له نږدې وکتل شي او شته ستونزې له مسؤلینو سره شریکې شي ترابي صاحب وویل چي اسلامي امارت په هره برخه کي د کډوالو ستونزو ته رسیدنه کړي ده لکه دترانسپورټ، سرپنا، برق، خوراکي توکو او داسي نورو برخو کي زیات خدمات ترسره کړي دي او لا هم په دې برخه کي ځیني ستونزي سته.
همدا راز ترابي صاحب د نړیوالو ادارو څخه غوښتنه وکړه چي ژر تر ژره خپلي مرستي کډوالو ته ورسوي او غوره او اساسي خدمتونه ورته وړاندي کړي لکه د څښاک پاکو اوبو ټانکۍ برېښنا، روغتیايي خدمتونو، حفظ الصحي برخه کي او د خوړو او اړینو توکو  په برخه کي او د کډوالو سره خپل بشري مرستې زیاتې کړي.
د نړیوالو ادارو مسؤولینو ډاډ ورکړ چې دوی به له اړوندو نهادونو سره په همغږۍ کې د یادو ستونزو د حل لپاره کار وکړي او د کډوالو د ژوند د ښه والي لپاره به خپلې هڅې لا زیاتې کړي او هغه امکانات چي په لاس کي لرو کډوالو ته به یی وړاندي کړو.
د لیدني په پای کي ترابي صاحب د نړیوالو ادارو له مرستو مننه وکړه او هیله یې څرګنده کړه چې دا همکارۍ به لا پراخې شي.

۱۴۴۶/۱۰/۲۱ هــ ق 
له پېښو سره د مبارزې آمادګۍ ملي اداره