له پېښو سره د مبارزې آمادګۍ ملي ادارې سرپرست په افغانستان کي د قزاقستان هیواد د سفیر سره وکتل

نن ورځ سه شنبه، له پېښو سره د مبارزې آمادګۍ ملي ادارې سرپرست الحاج ملا نورالدین ترابي د افغانستان لپاره د قزاقستان هیواد د سفیر ګازیز اکباسوف او ورسره راغلي پلاوي بختیار سرسینبای سره په خپل کاري دفتر کي وکتل.
ښاغلې ترابي صاحب راغلي پلاوي ته ښه راغلاست وویل او د قزاقستان هیواد د همکاریو او مرستو څخه یې ځانګړې مننه وکړه او زیاته یې کړه چي قزاقستان هیواد د افغانستان یو ښه دوست او ګاونډۍ دی او تل یې زموږ د حکومت او ولس سره خپله خواخوږي کړي ده او موږ به هم په هره برخه کي تل دوستانه اړیکي ورسره ولرو.
همداراز ترابي صاحب زیاته کړه چي زموږ لپاره همدا بسنه کوي چي قزاقستان هیواد زموږ یو ښه دوست ګاونډی دې او تل ېې د افغانستان سره خصوصاً له پېښو سره د مبارزې امادګۍ ملي ادارې سره خپله پوره همکاري کړي ده.
د قزاقستان سفیر ښاغلې ګازیز اکبا سوف د یادي ادارې د سرپرست څخه مننه وکړه او افغانستان یې د قزاقستان هیواد یو ښه دوست هیواد یاد کړ او د خپلو کړو مرستو یادونه یی وکړه او وویل چي نور به  هم خپلو مرستو ته دوام ورکوو ترڅو لا هم د دغه دوو هیوادنو اړیکي پیاوړي سي.
ښاغلي اکبا سوف زیاته کړه چي هغه مرستي چي موږ یې د افغانستان هیواد سره کوو موږ ته بهتره معلومه ده چي په اړمنو او بي وزله کورنیو ویشل کیږي.
ښاغلي اکبا سوف داهم وویل چي د قراقستان هیواد راغلی پلاوي ته بهتره معلومه سوه چي افغانستان یو پر امن هیواد دې او باید ټول هیوادونه ورسره سیاسی او بشري اړیکي وپالي.
د غونډي په ورستیو کي د یادي ادارې د سرپرست لخوا دافغانستان لپاره دقزاقستان هیواد سفیر ته مننلیک ورکړل سو.

نیټه: ۱۴۴۶/۱۱/۱  هــ ق  
 له پېښو سره د مبارزې آمادګۍ ملي اداره