د کندهار ولایت په لوړ شاوليکوټ ولسوالۍ کې ناچاوده توکي کشف او خنثی شول
د کندهار ولایت له پېښو سره د مبارزې آمادګۍ ریاست د همغږۍ له مخې، د HALO Trust ماین پاکۍ موسسې د STORM-MDU-01 تخنیکي ټیم د یاد ولایت د لوړ شاوليکوټ ولسوالۍ په سه توتک کلي کې د روسانو د وخت ناچاوده توکي کشف او په خوندي ډول خنثی کړل.
د ماین پاکۍ د عملیاتو په ترڅ کې يو کړۍ PMN د پرسونل ضد ماين کشف او له منځه یووړل شو.
یاد عملیات د ټولو تخنیکي معیارونو په بشپړ رعایت سره ترسره شول، چې له امله یې د سیمې اوسېدونکي له جدي امنیتي ګواښونو څخه وژغورل شول.
د کندهار ولایت له پېښو سره د مبارزې آمادګۍ ریاست له خلکو وغوښتل، چې د هر ډول ماینونو او شکمنو توکو د لیدو په صورت کې له اړندوه مسؤلینو سره اړیکه ونیسي، څو د هغوی د ځان او مال د خوندیتوب لپاره اړین اقدامات ترسره شي.
نېټه:۱۴۴۷/۱۱/۲۰ هـ ق
له پېښو سره د مبارزې آمادګۍ اداره
