د دایکندي ولایت له پېښو سره د مبارزې آمادګۍ ریاست د یو شهید ورثه او درې تنه ټپيانو ته نغدې مرستې ووېشلې
له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي په لارښوونه د دایکندي ولایت له پېښو سره د مبارزې آمادګۍ ریاست، د دې ولایت په خدیر ولسوالۍ کې د چت نړېدو له امله د یو شهید ورثه او په پاتو ولسوالۍ کې د ډبرې ښویېدو له امله درې ټپیانو ته له سروې وروسته نغدې مرستې ووېشلې.
په دې بهیر کې د مسؤلینو په شتون کې، د شهید ورثه او ټپيانو هر یو ته ۱۰,۰۰۰ افغانۍ ووېشل شوې، چې د نغدو مرستو اندازه ټولټال ۴۰,۰۰۰ افغانۍ کېږي.
نېټه:۱۴۴۷/۱۰/۲۱ هـ ق
له پېښو سره د مبارزې آمادګۍ ملي اداره
