۱۱ زیانمنو کورنیو په پکتیا ولایت کې خوراکي مرستې ترلاسه کړې
پکتیا- د تلې ۵مه-۱۴۰۲
د پکتیا ولایت پېښو سره د مبارزې ریاست، د یاد ولایت څمکنۍ ولسوالۍ اړوند ۱۱ کورنیو ته چې د وروستیو بارانونو او سېلابونو له امله یې کورونه په بشپړ ډول ویجاړ شوي وو، له سروې وروسته د موظف پلاوي په شتون کې خوراکي او غیرخوراکي مرستې ووېشلې.
د مرستو د وېش په لړۍ کې هرې کورنۍ ۱ باب خیمه، ۵۰ کیلو اوړه، ۵ لیټره غوړي، ۵۰ کیلو وریجې، ۴ کیلو بوره، ۴ کیلو لوبیا، ۴ کیلو تورچاۍ، ۱ دانه سطل او ۴ تختې کمپلې ترلاسه کړې.
