په لغمان ولایت کې ۸۸ زیانمن شویو کورنیو سره د خوراکي توکو مرستې ترسره شوې
لغمان – مرغومی – ۱۴مه - ۱۳۹۹
د پېښو پر وړاندې چمتووالي ریاست د خوراک نړیوال سازمان (WFP) سره په همکارۍ، ۸۸ کورنیو ته چې د وروستیو اورښتونو له امله زیانمنې شوي وې، وروسته له سروې د خوراکي توکو مرستې د پېښو سره مبارزی رئیس انجنیر محمد جاوید نیازي او د WFP ادارې د استازو په شتون ووېشل شوې.
په یادو مرستو کی هرې کورنۍ ته د دوو میاشتو د خوراکي توکو بشپړه کڅوړه (اوړه، غوړي، دال، مالګه او نور توکي) ووېشل شول.
د یادونې وړ ده چې نوموړو کورنیو سره پخوا د غیرخوراکي توکو مرستې هم ترسره شوې وې.
