له پیښو سره د مبارزې آمادګۍ ملي ادارې سرپرست په خپل کاري دفتر کې د افغانستان لپاره د اروپا د اتحادیې د سفیري سره وکتل

 نن ورځ پنج شنبه، له پيښو سره د مبارزې آمادګۍ ملي ادارې سرپرست الحاج ملا نورالدین ترابي په افغانستان کې د اروپا د اتحادیې سفیري اغلي ويرونیکا بوسویک پوهار، د وقایه بخش رئیس اغلي کرین، د اضطراري بخش رئیس فرانسوا او مشاور کوین سره په خپل کاري دفتر کي وکتل.
ترابي صاحب له هرڅه مخکي راغلي پلاوي ته ښه راغلاست وویل او د یاد پلاوي سره یی ګڼ شمیر موضوعات شریک کړه  چي د طبعي پیښو او غیر طبعي پیښو، اقلمي بدلون، وچکالۍ، وقایوي برخو مشکلات یې ورسره شریک کړه.
همداراز ترابي صاحب غوښتنه وکړه چي د طبعي او غیري طبعي پیښو په اړه د بیړنیو حالاتو او خطرونو د مدیریت او د اقلمي بدلون د وقایې په برخه کې زموږ سره همکاري وکړي او وقایوې پروژې پلي کړي.
ترابي صاحب یادونه وکړه چي باید موږ او تاسو د وقایوې په برخه کي زیات کار وکړو ځکه چي وقایه په لږ مصرف تر سره کیږي او دغټ زیان مخه نیسي نو باید موږ هرځای وقایوې پروژي ترسره کړو .
ورسته دافغانستان لپاره د اروپا داتحادیې سفیري اغلي ويرونیکا بوسویک پوهار له پیښو سره د مبارزې آمادګۍ ملي ادارې له سرپرست سره دخپل هېواد دهمکاریو یادونه وکړه او وویل چې په تیرو دري کلونو کي مونږ ۱۵۰ میلونه ډالره مصرف کړي دې او غواړو چی نور هم خپل مرستو ته دوام ورکړو او  د دولت د اصولو او وزارتونو او دولتي ادارو د غوښتنو سره سم همکارۍ ته چمتو یو.
اغلې سفیري زیاته کړه چي  په بیړنیو حالاتو کې له دغه هېواد سره  په پکتیا، خوست او هرات ولایتونو کي زلزله ځپلو ته په ۲۴ ساعته کي مونږ رسیدګي وکړل او د ۶ ملیونو ډالرو په ارزښت  موږ د زیانمنو کورنیو ته بیلابیل خوراکي او غیر خوراکي توکو مرسته ورسول.
 په ورستیو کې دواړو خواوو په بيړنيو حالاتو او بيړنيو پروژو کې د بشري مرستو رسوني او داړیکو پر ساتلو ټینګار وکړ او غونډه پای ته ورسیدل.

۱۴۴۶/۷/۸  هــ ق 
له پیښو سره د مبارزې آمادګۍ ملي اداره