پېښو ته د رسېدو په چارو کې د دولت وزارت: د وروستۍ زلزلې له امله نېږدې ۱۰۰۰ تنه شهیدان او څه باندې ۶۰۰ تنه نور، ټپیان شوي دي 

tamim_azimi
چهارشنبه ۱۴۰۱/۴/۱ - ۱۶:۱۳
News

چهارشنبه، ۱ چنګاښ ۱۴۰۱، ۲۲ ذی القعده ۱۴۴۳
کابل، د رسنیو مرکز:
تېره شپه شاوخوا یوه نیمه بجه یوې زورورې زلزلې، د پکتیکا، خوست او پکتیا په ګډون د افغانستان یو شمېر ولایتونه ولړزول چې له امله یې د یادو ولایتونو اوسېدونکو ته درانه ځاني او مالي زیانونه اوښتي دي.
پېښو ته د رسېدو په چارو کې د دولت وزارت وایي چې د لومړنیو معلوماتو له مخې د پکتیکا ولایت په نکې، زیړوک، برملې او ګیان ولسوالیو او د خوست ولایت په سپېرې ولسوالۍ کې د یادې زلزلې له امله ۹۲۰ تنه شهیدان او ۶۱۰ تنه نور ټپیان شوي دي.
د یاد وزارت مرستیال، مولوي شرف الدین مسلم د چهارشنبې په ورځ (د چنګاښ لومړۍ نېټه) د اسلامي امارت د اطلاعاتو او رسنیو په مرکز کې د دغه مرکز له رییس سره د یوه ګډ خبري کنفرانس پر مهال وویل: " له زلزله ځپلو سره د بېړنۍ مرستې په موخه، د ریاست الوزراء لخوا عاجله ناسته وشوه، چې په دې ناسته کې پېښتو د رسېدو په چارو کې د دولت وزارت په مشرۍ، د کرنې، عامې روغتیا، کډولو او رساتنېدونکو چارو او ملي دفاع وزارتونو، سرې میاشتې او نورو اړوندو ادارو ته دنده وسپارل شوه، څو له زلزله ځپلو سره د مرستې لپاره بېړني اقدامات وکړي".
ښاغلي مسلم څرګنده کړه په ناسته کې پرېکړه وشوه چې په سملاسي ډول اوسمهال د هر شهید له کورنۍ سره یو لک (۱۰۰۰۰۰) افغانۍ او د هر ټپي له کورنۍ سره پنځوس زره (۵۰۰۰۰) افغانۍ نغدي مرسته وشي.  
نوموړي زیاته کړه چې یادې مرستې بسنه نه کوي او پر نړیوالو بنسټونو یې غږ وکړ، چې د پېښې قربانیانو سره تر ممکن حده بشري مرستې وکړي. 
دغه راز د کنفرانس په دوام کې د اسلامي امارت د اطلاعاتو او رسنیو مرکز د رییس، قاري محمد یوسف احمدي لخوا، عالیقدر امیرالمؤمنین حفظه الله د خواخوږۍ پیغام هم ولوستل شو.
د عالیقدر امیرالمؤمنین حفظه الله د خواخوږۍ په پیغام کې په یوه برخه کې راغلي"په ډيره خواشینۍ سره مو خبر تر لاسه کړ چې تیره شپه د پکتیکا ولایت د ګیان، نکې، برمل، زیړوک او د خوست ولایت سپیرې ولسوالیو په مربوطاتو کې شدیده زلزله شوې چې تر دې دمه د راپورونو له مخې سلګونه کورونه نړیدلي او په تأسف سره چې شاوخوا زر (۱۰۰۰) تنه هیوادوال شهیدان او له ۶۰۰ زیات ټپيان شوي".
همداراز د یاد پیغام په بله برخه کې راغلي" د اسلامي امارت د حوادثو ضد وزارت، ورسره ټولو اړونده مسئولینو، والي صاحبانو او عامو افغانانوته لارښونه کیږي چې له خپلو ټولو امکاناتو سره هرڅه ژر د پيښې ځای ته ځانونه ورسوي، د شهیدانو په را ایستلو، د ټپيانو په انتقال او معالجې او د بې سرپنا شوو سره د عاجلو مرستو لپاره لازم اقدامات وکړي. ورسره له نړیوالې ټولنې، خیره بنسټونو او ټولو بشر پالو نهادونو څخه هم غواړو چې له افغانانو سره په دغه ستر مصیبت کې لاس ورکړي او له غم ځپلو سره هرڅومره چې ممکنه وي خپلې مرستې ونه سپموي".
د راپورونو له مخې اوسمهال په سیمه کې له زلزله ځپلو سره د مرستې او ټپیانو د انتقال لپاره د اسلامي امارت د اړوندو ادارو ساحوي ټیمونه شتون لري او په چټکۍ سره د مرستې رسونې کارونه پر مخ وړي. 
News pictureNews picture

وروستي خبرونه

چهارشنبه ۱۴۰۳/۱/۸ - ۱۴:۲۵
Background image

په میدان وردګ ولایت کې 120 زیانمنو او د شهیدانو کورنیو خوراکي او غیرخوراکي مرستې ترلاسه کړې

میدان وردګ- د وري 8مه- 1403
د یونیسیف موسسې د میدان وردګ ولایت پېښو سره د مبارزې ریاست سره په همغږي, د یاد ولایت اړوند 120 زیانمنو او د شهیدانو کورنیو ته له سروې وروسته خوراکي او. . .

چهارشنبه ۱۴۰۳/۱/۸ - ۱۴:۱
Background image

۱ میلیون ۹۵۸ زره او ۴۰۰ افغانۍ په ۲۴۱ بېوزله کورنیو باندې په ننګرهار ولایت کې ووېشل شوې

ننګرهار- د وري ۸مه-۱۴۰۳
د ماشومانو د ساتنې موسسې د ننګرهار ولایت پېښو سره د مبارزې ریاست سره په همغږي، د یاد ولایت دور بابا ولسوالۍ اړوند ۲۴۱ بېوزله کورنیو باندې له سروې  وروسته ۱. . .

سه‌شنبه ۱۴۰۳/۱/۷ - ۱۱:۳۲
Background image

۴۰۰ اړمنو کورنیو سره په هرات ولایت کې خوراکي مرستې ترسره شوې

هرات- د وري ۷مه-۱۴۰۳
د JFP موسسې په مالي ملاتړ او د ADRA موسسې د هرات ولایت پېښو سره د مبارزې ریاست سره په همغږي، د یاد ولایت اړوند ۴۰۰ اړمنو کورنیو ته له سروې وروسته خوراکي مرستې. . .

نوي اعلانونهآخرین اطلاعیه ها

پنجشنبه ۱۴۰۱/۱۰/۲۲ - ۱۱:۴۲
Background image

اړینه- خبرتیا

لکه څرنګه چې زموږ هېوادوال پوهېږي، په تېرو څو ورځو کې د هېواد په یو شمېر ولایتونو کې د سختې یخنۍ ترڅنګ د واورې او بارانونو د ورېدو شاهدان و، او د ملکي هوايي چلند ادارې د هوا پېژندنې . . .

چهارشنبه ۱۴۰۱/۴/۱ - ۱۱:۱۱
Background image

د افغانستان په یو شمېر ولایتونو کې د تېرې شپې د طبیعي پېښو سېلاب او زلزلې په اړه پېښو ته د رسېدو په چارو کې د دولت وزارت اعلامیه

پېښو ته د رسېدو په چارو کې د دولت وزارت په افغانستان کې د پېښو چارو ته د رسېدو او د مدیریت په برخه کې د مسوول بنسټ په توګه، د هېواد په یو شمېر ولایتونو کې د سېلاب او زلزلې پېښېدل . . .