په هلمند ولایت کې ۳۴ سېلاب ځپلو کورنیو ته خوراکي او غیرخوراکي مرستې ووېشل شوې
هلمند- د غبرګولي ۱۶مه-۱۴۰۳
د هلمند ولایت پېښو سره د مبارزې ریاست د IOM, WFP او UNICEF موسسو سره په همکاري او همغږي، د یاد ولایت موسی قلعه ولسوالۍ اړوند ۳۴ کورنیو ته چې د وروستیو بارانونو او سېلابونو له امله زیانمنې شوي وې، له سروې وروسته خوراکي او غیرخوراکي مرستې ووېشلې.
په دې مرستو کې هرې کورنۍ ته ۲۰۰ کیلو اوړه، ۲۵ کیلو دالنخود، ۲ کیلو مالګه، ۱۸.۲ کیلو غوړي، د ماشومانو لپاره ۳ کیلو شیدې، کمپلې، د سرپناه کېټ، پلاستیکي فرش او یو شمېر نور توکي ووېشل شول.
