په هلمند ولایت کې بوشکه یي ماین کشف او خنثی کړل شو
د هلمند ولایت له پېښو سره د مبارزې آمادګۍ ریاست، د MAPA-Hotline-1948 له لارې ترلاسه شوې اړیکې پر بنسټ د اریا ماین پاکۍ موسسې د چټک غبرګون ۱۱ نمبر ټیم د یاد ولایت د موسی کلا ولسوالۍ د ده زوری سفلي کلي ته د ماین له منځه وړلو په موخه ولېږدوه.
د چټک غبرګون ټیم د سیمې تر څېړنې وروسته یو عدد بوشکه یي ماین کشف کړ او د امنیتي او تخنیکي تدابیرو په مراعاتولو سره یې له سیمې څخه انتقال او په خوندي توګه له منځه یووړ.
د هلمند ولایت له پېښو سره د مبارزې آمادګۍ ریاست مسؤلینو له خلکو وغوښتل چې د هر ډول چاودېدونکو یا مشکوکو توکو په لیدو سره دې ژر تر ژر له یاد ریاست سره اړیکه ونیسي ترڅو د خلکو د ځاني او مالي زیانونو څخه د مخنیوي لپاره لازم اقدامات ترسره شي.
نېټه: ۱۴۴۷/۰۳/۱۶ هـ ق
له پېښو سره د مبارزې آمادګۍ ملي اداره
