په میدان وردګ ولایت کې ۴ زیانمنو کورنیو ته خوراکي او غیرخوراکي مرستې ووېشل شوې
میدان وردګ- د ربیع الاول ۲۰-۱۴۴۶
د میدان وردګ ولایت له پېښو سره د مبارزې آمادګۍ ریاست، د یاد ولایت مرکز میدان ښار او جلرېز ولسوالۍ اړوند ۴ کورنیو ته چې د کورنۍ غړي یې د ناچاوده توکو له امله شهیدان شوې و، له سروې وروسته د یاد ریاست مشر محترم مولوي فیض الله جلالی په شتون کې خوراکي او غیرخوراکي مرستې ووېشلې.
په دې مرستو کې هرې کورنۍ ۵۰ کیلو اوړه، ۲۵ کیلو وریجې، ۵ لیټره غوړي، ۱ کارټن شیدې، ۵ تختې کمپلې، ۱ هایجن کېټ، ۱ د پخلنځي کېټ او ۲۰ کلچې صابن ووېشل شول.
