په میدان وردګ ولایت کې د راکټ مرمۍ او ناچاوده توکي خنثی شول
د میدان وردګ ولایت له پېښو سره د مبارزې آمادګۍ ریاست، د یاد ولایت د مرکز په کهنه خمار او پهلوان خېل سیمو کې یو عدد بم لېت, د راکټ دوه مرمۍ او څلوېشت ملي متري ناچاوده توکي کشف کړل او د تخنیکي ټیمونو په واسطه یې په خوندي توګه خنثی کړل.
دا مرمۍ او ناچاوده توکي له پېښو سره د مبارزې آمادګۍ ریاست لخوا د آریا ماین پاکۍ موسسې په همکارۍ وموندل شول، او د یادې مؤسسې د QRT-4 تخنیکي ټیم له لوري په بریالیتوب او خوندي توګه لمنځه یوړل شول.
د یاد ولایت له پېښو سره د مبارزې آمادګۍ مسؤلینو، د آریا مؤسسې له همکاریو قدرداني وکړه او زیاته یې کړه، چې له جګړې پاتې چاودېدونکو توکو څخه د سیمو د پاکولو هڅې به دوام ولري او د ولایت په کچه د ماین پاکۍ ګرځنده ټیمونه ټاکل شوي څو ماینونه کشف او لمنځه یوسي او د احتمالي خطرونو څخه مخنیوی وشي.
نېټه: ۱۴۴۶/۱۰/۰۵ هــ ق
له پېښو سره د مبارزې آمادګۍ ملي اداره
