په بغلان ولایت کې ناچاوده توکي کشف او خنثی کړل شول
د بغلان ولایت له پېښو سره د مبارزې آمادګۍ ریاست د همغږۍ له مخې د OMAR ماین پاکۍ موسسې د بېړنۍ ځواب وینې تخنیکي ټېم QRT-02، د یاد ولایت په دند غوري ولسوالۍ کې ١ کړۍ تبعې ماین، ١ حلقه روسې ماین، ٢ عدده د راکیټ مرمۍ، ٢ عدده د هاوان مرمۍ، ٣ عدده فریشر پلیټ او ١١ عدده بېلابېلې مرمۍ وموندل او په خوندي توګه یې له منځه یووړلې.
د یادونې وړ ده، چې د چاودېدونکو توکو له امله د خلکو ځان او مال له خطر سره مخ وو او د سیمې د اوسېدونکو د غوښتنې پر بنسټ د ماین پاکۍ دا عملیات ترسره شول او اوس مهال د دې ناچاوده توکو په پاکولو سره سیمه له خطر څخه پاکه او د سیمې اوسېدونکي له احتمالي مرګ ژوبلې او نورو زیانونو څخه خوندي پاتې شول. د یاد ریاست مسؤلینو له خلکو څخه غوښتنه وکړه چې د هر ډول مشکوک یا چاودېدونکو توکو د لېدو په وخت کې دې ژر تر ژره د اړونده مسؤلینو سره د اړینو اقداماتو ترسره کولو لپاره اړیکه ونیسي.
نېټه: ۱۴۴۷/۲/۲٧ هـ ق
له پېښو سره د مبارزې آمادګۍ ملي اداره
