له پېښو سره د مبارزې آمادګۍ ملي ادارې په خپلو دفترونو کې د امربالمعروف او نهی عن المنکر د قانون پلي کولو په موخه غونډه ترسره کړه

تېره ورځ چهار شنبه، له پېښو سره د مبارزې آمادګۍ ملي ادارې د مالي او اداري عمومي رئیس او د ادارې سرپرست محترم مولوي محمد علم عالمیار په مشرۍ، د دې ادارې اړوند دفترونو کې د امربالمعروف او نهی عن المنکر د قانون پلي کولو په موخه غونډه، د دعوت او ارشاد رئیس مولوي عبدالخالق عابد، د مقام د دفتر رئیس مولوي فضل الباري جواد، دامام مولوي محمد صادق او مدرس مفتي عبدالمنان طیب په شتون کې ترسره شوه. 
غونډه د قرآن عظیم الشان په څو مبارکو آیتونو سره پیل شوه.
په دې غونډه کې دغه قانون ماده په ماده له ویلو وروسته په بشپړ ډول د پلي کولو او د ادارې کارکوونکو ته د بیانولو په اړه هر اړخېز بحث وشو او د خنډونو او ستونزو له پېژندنې وروسته د حل لارې موندلو لپاره د نظرونه تبادله وشوه.
غونډه د خیر په دعا سره پای ته ورسېده.

نیټه: ۱۴۴۶/۶/۱۷
له پیښو سره د مبارزې آمادګۍ ملي اداره