له پېښو سره د مبارزې آمادګۍ ملي ادارې سرپرست په سمنګان ولایت کي د یاد ریاست لپاره د نوې ودانۍ او د ا.ا.ا د مشرتابه لخوا منظور شوې د یو میلیوني پروژې د رغنیزو چارو څخه لیدنه وکړه
له پېښو سره د مبارزې آمادګۍ ملي ادارې سرپرست الحاج ملا نورالدین ترابي د خپل رسمي سفر په ترڅ کې په سمنګان ولایت کی د یاد ولایت د مرستیال والي مولوي داد خدا خادم په ملتیا، د یاد ریاست د نوې ودانۍ د رغنیزو چارو څخه لیدنه وکړه.
یاده ودانۍ چي د ۱۳ میلونه افغانیو په لګښت تر کار لاندی ده چې د اداري خدماتو د ښه والي او د بیړنیو حالاتو پر مهال د لا چټکې ځوابوینې په موخه جوړیږي تر دې دمه ۵۰ سلنه کارونه یې بشپړ شوي دې او رغنیزې چارې یې په جدي او منظم ډول روانې دي، باید وویل شي چې دا ډول ودانۍ په څلورو نورو ولایتونو کې هم لکه کاپیسا، خوست، میدان وردک او کندهار ولایتونو کی د جوړېدو په حال کې دي.
د دې سفر په دوام ترابي صاحب د یو لوی پرمختیایي پروژې څخه هم لیدنه وکړه چې ارزښت یې یومیلیون افغانۍ دی او د عالیقدر امیرالمؤمنین حفظهالله د هدایت او منظوري پر بنسټ عملي کیږي، د یادي ادارې سرپرست د یادې پروژې د پرمختګ او تطبیق له څرنګوالي څخه له نږدې څخه ځان خبر کړ او ټینګار یې وکړ چې باید دا پروژه په شفافه بڼه پر خپل وخت او د تخنیکي معیارونو پر اساس تطبیق شي.
دا لیدنې له پیښو سره د مبارزې آمادګۍ ملي ادارې د دوامداره هڅو یوه برخه ده څو په ټول هېواد کې د همغږې، ښه ځوابوینې او د طبیعي پېښو پر وړاندې د چمتووالي کچه لوړه شي.
نېټه: ۱۴۴۶/۱۲/۲۳ هـ.ق
له پېښو سره د مبارزې آمادګۍ ملي اداره
