له پېښو سره د مبارزې آمادګۍ ملي ادارې سرپرست له سره صلیب او سرې میاشتې ټولنو د نړیوال فدراسیون د رئیس سره وکتل
نن ورځ چهارشنبه، له غرمې وروسته له پېښو سره د مبارزې آمادګۍ ملي ادارې سرپرست الحاج ملا نورالدین ترابي د سره صلیب او سرې میاشتې ټولني نړیوال فدراسیون د رئیس نیسوفر میګندي، د پروګرامونو مسؤل احمد سلیمان او د تشریفاتو د مدیر عبدالرشیدهمیم سره په خپل دفتر کی وکتل
ښاغلې ترابي صاحب راغلي پلاوي ته ښه راغلاست ووایه او مننه یې ورڅخه وکړه چي تل یې زموږ سره همکاري کړې ده او وویل چي له پېښو سره د مبارزې آمادګی ملي اداره هڅه کوي چي ټولي مرستندویه مؤسیسې وهڅوي او اسانتیاوې ورته برابري کړي ترڅو د دوی کارونه په چټکۍ او اسانۍ سره پر مخ ولاړ شي او زیاته یې کړه چې موږ د خلګو اړتیاوې د دهیواد په کچه راټولي کړي دي او په ډیټابیس سیستم کي مو ثبت کړي ترڅو خپل پروژې د هغې له مخې تطبیق کړو.
همدا راز ترابي صاحب زیاته کړه چي موږ تل همکارۍ ته چمتو یو او هڅه کوو چي په ټولو برخو کي اسانتیاوي رامنځ ته کړو.
وروسته د سره صلیب اوسرې میاشتي نړیوال فدراسیون رئیس ښاغلې نیسوفر میګندي مننه وکړه چي د یادي ادارې د سرپرست سره ملاقات وکړ او خوښي یې څرګنده کړه چي تل یې زموږ سره په هره برخه کي پوره همکاري کړي ده او له پېښو سره د مبارزې آمادګۍ ملې ادارې له خوا یې د پروژو د تطبیق لپاره د اسانتیاوو د برابرولو څخه مننه وکړه.
همدا راز ښاغلې میګندي زیاته کړه چې موږ کوښښ کوو ترڅو په افغانستان کي بشري مرستي او پروژې زیاتي کړو.
ښاغلې میګندي وویل چي بایدموږ داسی ټیمونه ولرو تر څو که یو پېښه وسې ژرتر ژر رسیدنه ورته وکړي او په ولایتونو کي باید خلګو ته د بیلابیلو لارو څخه عامه پوهاوۍ ورکړل سي ترڅو د پیښو پر وړاندي وقایه ولري.
د غونډي په پای کې د دواړو خواوو له لوري د مؤثرو پروژو د تطبیق لپاره د دوه اړخیزو همکاریو دوام لپاره ټینګار وسو.
نیټه: ۱۴۴۶/۷/۱۴ هــ ق
له پیښو سره د مبارزې آمادګۍ ملي اداره
