له پېښو سره د مبارزې آمادګۍ ملي ادارې سرپرست د مهاجرت نړیوال سازمان IOM د مرستېالي سره وکتل

نن ورځ دو شنبه، له پېښو سره د مبارزې آمادګۍ ملې ادارې سرپرست الحاج ملا نورالدین ترابي د مهاجرت نړیوال سازمان IOM د مرستېالي یتیا سکون، دپروګرام مسؤل یاسین الهمدني، د بشري مرستو د لاس رسي مسؤل عدنان بغجتي،  د اړیکو  مسؤل محمد سلیم خالد او همکارانو عبدالمجید نوري او محمد عمر هاشمي سره په خپل کاري دفتر کي وکتل.
ترابي صاحب له هرڅه وړاندي د IOM پلاوي ته ښه راغلاست ووایه او زیاته یې کړه چي IOM سازمان تل زموږ سره په بشري او تخنیکي مرستو کي ګډون کړی دې چي موږ ورڅخه ځانګړي مننه کوو او په راتلونکي یې هم پر ګډو همکاریو ټینګار وکړ.
همداراز ترابي صاحب وویل چي مونږ د IOM سازمان څخه مننه کوو چي  په دریو میاشتو کي یې سروې کړي ده او خپل معلومات یې راټول کړي دي او وویل چي په افغانستان کي تر دې هم زیات خلک زیانمن دي او مرستو ته اړتیا لري او باید اساسي او د پام وړ مرستي ورسره وسي.
د IOM سازمان مرستېالي یتیا سکون له پېښو سره د مبارزې آمادګۍ ملي ادارې د سرپرست څخه مننه وکړه چي مونږ ته مو وخت راکړ او زیاته یې کړه چي یادي ادارې تل زموږ سره د طبیعي او غیر طبیعي پېښو  په مخینوي کي زیاته همکاري کړې ده او مونږ به تل هڅه کوو چي د دې ادارې سره همکاره پاته سو.
همداراز د IOM سازمان د پروګرام مسؤل یاسین الهمدني وویل چي مونږ د اقلمي بدلون د زیانونو په اړه څیړنه وکړه او په۳۴ ولایتو کې د دې ادارې مسؤلین پوره راسره همکاره وه او په ۳۴ ولایتونو کي د ۵۰۰ کارمندانو په مرسته ۶۲۹۱۷ کليو کي سروې وشوه او ۹۳۰۳۳ کسانو څخه مو د اقلمي بدلون د زیانونو په اړه معلومات راټول کړي دي.
د غونډي په ورستیو کي د IOM نړیوال سازمان لخوا په ۳ درو میاشتو کي راټول شوي معلومات د پریزنټیشن په شکل د یادي ادارې کار مندانو ته وړاندي کړل او ژمنه وسوه چي په راتلونکي ورځو کي به د یادي ادارې او د IOM  تخنیکي کمیټې ناستي ولري.

نیټه: ۱۴۴۶/۷/۲۶ هــ ق 
له پېښو سره د مبارزې آمادګۍ ملي اداره