له پېښو سره د مبارزې آمادګۍ ملي ادارې سرپرست د افغانستان لپاره د جاپان د سفیر سره وکتل.
نن ورځ سې شنبه له پېښو سره د مبارزې آمادګۍ ملي ادارې سرپرست الحاج ملانور الدین ترابي د جاپان د سفیر داکتر تکایوشي کرومیا، لومړي سکرترهیروتکا کواکمي او ورسره راغلي پلاوي سره په خپل کاري دفتر کي وکتل.
ترابي صاحب ښاغلي سفیر او ورسره پلاوي ته ښه راغلاست وویل او له پیښو سره د مبارزې آمادګۍ ملي ادارې پر لاسته راوړانو او مشکلاتو یی ګډ بحث وکړ او یادونه یی وکړه چي په افغانستان کي زیات شمیر خلګ د غربت او بي وزلۍ سره مخ دي او مرستو ته جدي اړتیا لري او یادونه یې وکړه چي موږ نن دپنځه کلن ستراتیژک پلان مخکتنه وکړه او باید یې په تطبیق کي پوره همکاري وکړي.
همدا راز ترابي صاحب زیاته کړه چي جاپان هیواد تل زموږ سره د مرستو په برخه کي زیاته همکاري کړي ده او موږ ورڅخه منندوی یو او پر راتلونکي کي د لازیاتو همکاریو او مرستو غوښتنه وکړه او د جایکا او ټیکا سازمانونو څخه یی مننه وکړه چي ددې ادارې ۱۰ تنه کارمندانو ته یی دپېښو دمدیریت په برخه کي دترکیی په هیواد کی ټرینګ ورکړی.
د جاپان سفیر داکتر تکایوشي کرومیا، دیادي ادارې د سرپرست څخه مننه وکړه او افغانستان یې د جاپان هیواد یو ښه دوست هیواد یاد کړ او د خپلو کړو مرستو یادونه یی وکړه او وویل چي لابه هم خپلو مرستو ته دوام ورکوو ترڅو نور هم ددغه دوو هیوادنو اړیکي پیاوړي سي.
ښاغلي سفیر د یادي ادارې دسرپرست څخه مننه وکړه چي تل یی مؤسیساتو سره همکاره ده او تل یې زیانمنو کورنیو ته په شفافیت مرستي رسولي دي ښاغلی سفیر داهم وویل چي موږ به د پنځه کلن ستراتیژیک پلان په تطبیق کی ستاسو سره پوره همکاري وکړو.
دغونډي په ورستیو کي پر ګډو همکاریو ټینګار وسو.
نیټه: ۱۴۴۶/۸/۵ هــ ق
له پېښو سره د مبارزې آمادګۍ ملي اداره
