له پېښو سره د مبارزې آمادګۍ ملي ادارې او د آذربایجان هېواد د بېړنیو حالاتو وزارت ترمنځ د دوهاړخیزو همکاریو د پیاوړتیا په موخه آنلاین غونډه ترسره شوه
له پېښو سره د مبارزې آمادګۍ ملي ادارې د تخنیکي کمېټې مسؤل محترم برهانالدین شینواري او د ماین پاکۍ چارو ستر سلاکار محترم ډاکټر ایمل صافی او د آذربایجان هېواد د بېړنیو حالاتو وزارت مسؤلینو ترمنځ د همکاریو د پیاوړتیا او د تجربو د شریکولو په موخه آنلاین غونډه ترسره شوه.
په دې آنلاین ناسته کې دواړو لوریو د پېښو او بېړنیو حالاتو پر مهال د همکاریو د څرنګوالي، د تجربو د شریکولو او د دې ادارې د لټون او ژغورنې ټیمونو د روزنې په اړه خبرې وکړې.
د آذربایجان لوري په دې غونډه کې د پېښو پر مهال د خپلو موخو، فعالو برخو، کړنلارو، میکانیزمونو او کاري لارو چارو په اړه خبرې وکړې او خپلې تجربې یې شریکې کړې.
همدارنګه، د دې ادارې د تخنیکي کمېټې مسؤل د هغوی له معلوماتو څخه د مننې ترڅنګ، د ظرفیت لوړولو، عامه پوهاوي، طبیعي پېښو ته بېړنۍ رسېدنې او همدارنګه د ماین پاکۍچارو په برخه کې پر دوهاړخیزو همکاریو ټینګار وکړ.
نیټه: ۱۴۴۷/۰۹/۰۷ هـ ق
له پېښو سره د مبارزې آمادګۍ ملي ادارې
