له پېښو سره د مبارزې آمادګۍ ملي اداره د iMMAP نړیوالې موسسې ستاینه وکړه
نن ورځ دوشنبې، له پېښو سره د مبارزې آمادګۍ ملي ادارې د iMMAP نړیوالې موسسې څخه د همکاریو او تخنیکي ملاتړ، په هېواد کې د طبیعي پېښو د مدیریت په لړۍ کې د معلوماتو او ظرفیت جوړونې په موخه ستاینه وکړ.
د iMMAP موسسې په وروستیو کلونو کې د هېواد په پنځو بېلابېلو زونونو کې د تحلیلي معلوماتو په برابرولو، د همغږیو د بهیر په آسانولو او د روزنیزو پروګرامونو په جوړولو کې مهم رول لوبولی دی او په ټوله کې د دې ادارې یو له ژمن او فعاله همکارانو څخه دی.
له پېښو سره د مبارزې آمادګۍ ملي ادارې د IMMAP د پرله پسې همکاریو د قدردانۍ په ترڅ کې د پېښو پر وړاندې د ځواب وینې د بهیر د ښه والي او د سیمه ییزو ټولنو د آمادګۍ په برخه کې یې د دغې موسسې هڅې ارزښتمنې وبللې او د همکاریو پر دوام یې ټینګار وکړ.
له همدې امله، د دې ادارې لخوا د IMMAP موسسې استازي ته تقدیر نامه ورکړل شوه او له کاري ټیم څخه يې په افغانستان کې د بشردوستانه خدمتونو په وړاندې کولو کې د لا بریالیتوب هیله وکړه.
نېټه: ١٤٤٦/١١/١٤ هـ ق
له پېښو سره د مبارزې آمادګۍ ملي اداره
