د ننګرهار ولایت له پېښو سره د مبارزې آمادګۍ ریاست ۳۲۹ زیانمنو او مستحقو کورنیو ته نغدي خوراکي او غیر خوراکي مرستې ووېشلې

د ننګرهار ولایت له پېښو سره د مبارزې آمادګۍ ریاست د د خوړو نړیوال پروګرام (WFP) دفتر، RRAA او ډاکار مؤسسو په مالي ملاتړ او د ARCIO مؤسسې په تخنیکي همکارۍ، د دې ولایت د ښار په لومړۍ ناحیه کې ۳۵ مستحقو او په خوګیاڼيو ولسوالۍ کې ۱۹۷ او همدارنګه په روداتو ولسوالیو کې ۹۷ سېلاب ځپلو کورنیو ته له سروې وروسته نغدي، خوراکي او غیر خوراکي مرستې ووېشلې. 

په دې لړۍ کې د مسؤلینو په شتون کې، د خوړو نړیوال پروګرام (WFP) په مالي ملاتړ او د ARCIO مؤسسې په تخنیکي همکارۍ  ۱۹۷ کورنیو هرې یوې ته ۱۰۰ کیلو ګرامه اوړه، ۹.۱ کیلو ګرامه  غوړي، ۱۲.۵ کیلو ګرامه دال او ۱ کیلو ګرام مالګه او د ډاکار مؤسسې له لوري ۳۵ کورنیو هرې یوې ته یو عدد د اوبو پاکولو فلټر او د RRAA مؤسسې لخوا ۹۷ کورنیو هرې یوې ته یو د روغتیا ساتنې کيټ او ۱۰۶۰۰ افغانۍ نغدي پیسې ووېشل شوې، چې ټولټال د یاد شمېر کورنیو لپاره یو میلیون او اته ویشت زره او دوه سوه (۱,۰۲۸,۲۰۰ ) افغانۍ نغدي پيسې ځانګړې شوې وې.  

د یادونې وړ ده، چې د مرستو ترلاسه کوونکو کورنیو د مرستو د ترلاسه کولو په پار له یادو بنسټونو او د دې ولایت له پېښو سره د مبارزې آمادګۍ ریاست له مسؤلینو څخه مننه وکړه او خوښي یې څرګنده کړه.

نېټه: ۱۴۴۷/۱۱/۱۳ هـ ق

له پېښو سره د مبارزې آمادګۍ اداره