له پیښو سره دمبارزې آمادګۍ ملي ادارې سرپرست دبرګ مؤسیسې دپروګرام دعمومي مشر سره ولیدل

نن ورځ چهارشنبه له غرمي مخکي له پیښو سره دمبارزې آمادګۍ ملي ادارې سرپرست الحاج ملا نورالدین ترابي او دبرګ مؤسیسې دپروګرام دعمومي مشر دهند هیواد اتباع مدحوان آتی؛ د ارتباطاتو مسؤل فیصل نوري او دپروژې مدیر فاروق احمدي سره په خپل کاري دفتر کي وکتل.
ترابي صاحب دبرګ مؤسیسې راغلي پلاوي ته ښه راغلاست ووایه او ځانګړي مننه یی ورڅخه وکړل او زیاته یي کړل چي موږ او موسیسات باید په ګډه او همغږۍ په ولایتونو او ولسوالیو کي وقاويوي تدابیر(کاهش خطر) ولرو ځکه وقایوي تدابیر زموږ اولسونه دغټ زیان څخه ژغوري.

همدارنګه ترابي صاحب زیاته کړل چي موږ د مرکز او ټولو ولایتو نو لپاره ډیټابیس لرو چي په کومو ساحو کي کار شروع دی او کوم ساحو کي پیښ ځپلي کورنۍ سته. 
دبرګ مؤسیسې دپروګرام عمومي مشر مدحوان آتی وویل چي برګ مؤسیسه ۲۰۰۳ کال راهیسي په ۲۲ ولایتونو کي دصحت، پوهني او بیلابیلو برخو کي فعالیت کوي او یادی  مؤسیسی ۱۰ میلونه ډالره بودیجه ځانګړي کړی ده چي په ۵ کلونو کي به په استنادي دیوالانو؛کانالونه؛ او بي سرپنا کورنیو ته کورونه جوړول پیل کړي .
همدارنګه دبرګ مؤسیسې دپروګرام عمومي مشر له پیښو سره دمبارزې امادګۍ ملي ادارې له سرپرست څخه وغوښتل ترڅو موږ ته هغه ساحي راته په نښه کړي چي دمرستو څخه بي برخي دي او زلزلو او یاهم وچکالیو ځپلي وي.
ورسته پریکړه وسوه چي له پیښو سره دمبارزې امادګۍ ملي اداره به هغه ساحي مشخصی کوي چي په هغه ساحو کي زیانمني کورنۍ وي او دسرپنا ځای ونه لري او مرستي ورسره نه وي سوي.
نیټه: ۱۴۴۶/۳/۱۵ هـ ق
پیښو سره دمبارزې آمادګۍ ملي اداره