د کونړ ولایت له پېښو سره د مبارزې آمادګۍ ریاست ۶۷ زیانمنو کورنیو ته نغدي مرستې ووېشلې
له پېښو سره د مبارزې آمادګۍ ادارې او ARCIO مؤسسې ترمنځ د لاسلیک شوې هوکړهلیک پر بنسټ، چې د خوړو نړیوال پروګرام (WFP) یې تمویلوونکی دی، د کونړ ولایت له پېښو سره د مبارزې آمادګۍ ریاست د یادې مؤسسې په تخنیکي همکارۍ د دغه ولایت اړوند ۶۷ کورنیو ته چې د وروستیو سېلابونو له امله زیانمنې شوې وې، نغدي مرستې ووېشلې.
په دې لړۍ کې، له سروې وروسته او د مسؤلینو په شتون کې، هرې کورنۍ ته ۵,۸۰۰ افغانۍ ووېشل شوې، چې د نغدو مرستو ټولیزه اندازه درې لکه او اته اتیا زره او شپږ سوه (۳۸۸,۶۰۰) افغانۍ کېږي.
د مرستو ترلاسه کوونکو له پېښو سره د مبارزې آمادګۍ ریاست او همکارو موسسو څخه د مرستو پر وخت د وېش په پار مننه او قدرداني وکړه.
نېټه:۱۴۴۷/۱۲/۲۱ هـ ق
له پېښو سره د مبارزې آمادګۍ اداره
